LinkBack URL
About LinkBacks
أنساك أنساك كلمه مالها أيّة وجود بمرجعي
والقلب لامنّه نوى غيرك حبيبي بامنعه
تنتابني ذكراك ما بين الوعي واللا وعي
ما كنّك الاّ بحرحلمي والمشاعر الأشرعه
من وين تطلع كنّك الاّ تقول يا شمس اطلعي
يتنفّس الفجر بنفس حسنك ويشرق مطلعه
مع إن فرعك لو رميت الشمس به عيّت تعي
إن الدجا يسري لها من دون ما تتوقّعه
إن الدجا يكنز عبيره للنسيم المطلعي
كلّه على شان النسيم المطلعي يلعب معه
يمتد ليلي واشعلك شمعة غلا بين اضلعي
ويمر بي طيفك ويتناثر بصدري واجمعه
تحتاج تتعبني وأنا أحتاج لك وأنته معي
بعض المشاعر تتعب المشتاق لكن ممتعه
موقعك من قلبي تدلّه بس حدّد موقعي
وبعدين خذ قلبي وفي دنيا غرامك ودعه
وإن طاب لك شوقي وطاب لصوت همسك مسمعي
القلب لك والشوق في عروقي بكيفك وزّعه
القلب ملكك والفصول الأربعة من مطمعي
دام التقت في مبسمك كل الفصول الأربعه
أين أجد نفسى .
رد مع اقتباس
المشاركة الأصلية كتبت بواسطة الشقاقي
مواقع النشر (المفضلة)