الموضوع: كور البطاطس بالبشاميل بالصور

أول شي يا حلوات قطعي الدجاج قطع صغيييييره واحمسيه مع شوي زيت واحرصي ان مويته تنشف.. بعد كذا حطي عليه بصل مقطع صغار وثوم مدقوق وقلبي قلبي وحطي عليه ملعقتين صويا صوص كبار وملعقتين خل وملح وفلفل وفلفل احمر وكركم.. وبعد كذا حطي عليه البصل الاخضر الصغار والملفوف الشرايح وقلبي وقصري عليه الى ان يتسبك..
بعد كذا خذي اربع او خمس بطاطسات وقشريهم واسلقيهم وبعد ما ينضجون اهرسيهم وحطي عليهم شوي كزبره وملعقتين كبار جبن سايل واهرسيهم مع بعض.. وخذي لك صينيه ورصي فيها من خليط البطاطس زي الصوره وبعد كذا حطي عليه حمسة الدجاج .. ولما تحطينها ارجعي لخليط البطاطس وكوريه وصفيه فوق خلطة الدجاج..


بعد كذا سوي لك باشاميل عباره عن ( كاسين مويه + 6 ملاعق كبار حليب بودره +4 ملاعق طحين + ملح وفلفل + 3 ملاعق جبن سايل) واخلطيهم بالخلاط بعدين حركيهم على النار الى ان يثقلون وبعدها صبيهم على الصينيه ودخليا للفرن على حرارة 350 فهرنهايت ( كهرب) تقريبا نص الى ثلاث ارباع الساعه.. وبعد مايجمد الباشاميل حمريها من فوق وبعد كذا قدميها بالعااااافيه...

الله يسلمك

يعطيك العافيه