الموضوع: وشلون تعشق شخص ناسي ومهمل

وشلون تعشق شخص ناسي ومهمل؟!

سبحان من خلاه حاكم على الروح
كلما أشوف الغير قالت: "هو أجمل"

ما كنه إلا "حب"مكتوب في اللوح
قلت أمسحه../بس خفت قلبي يترمل

أدري عشان أوصفه محتاج لشروح
فتّان في وصفه..في عيني مكمّل

ومن كثر شوقي أبني بقلبي صروح
ما يوم فارقني خياله ولا مــل..!

يا أهل الهوى /..
هذا الهوى ساس الجروح
وشلون تعشق شخص ناسي ومهمل؟!

حاولت أعبر له عن العشق بالبوح
وحسبت أن الشعر وافي وأجزل..!!

كتبت له بأول قصيدي "على اللوح
كتب لنا الباري بهالحب نثمل.."

وبالصمت بادلني ../..وهدّمت الصروح
الله يسامح من لقلبي يزعــّل..!!

يعطيك العافيه