الموضوع: الزواج :للشاعر صالح اللخمي

أنا عندي ولد حصل وظيفة وفكر في الزواج
استلم راتبين وقال وده يكمل نص دينه
تكفى يابوي ساعدني ودور على بنت الحلال
قلت لك مني التدبير والشور وابشر بالمعونه
مير لم الفلوس إن كان ودك ندور لك عروس
قال ما ظن يطمع من يلاقي لبنته رجال ونعـم
الطمع في الستر والعفو ماهو في إكثار المهور
قلت لابد نسمع وش يقول النسيب اللي نصوبه
واعتقد ما يرد العلم إذا لك عنده نصيب
واتفقنا على ميعاد في منزل الرجل المناسب
واستمعنا شروطه غير نبغي الخلايق يسمعون
أربعين ألف قيمة الذهب وأربعين ألف المكاسي
وأربعين ألف محجوزة لخمسين راس من الغنم
وأجار القصر عشرين ألف واشهد عليه أربع شهود
واشترط تكمل التعليم واكتب عليكم بيت شرعي
ثم سايق وخدامة وسيارتين آخر موديل
قلت يا حضرة الماذون وش عاد وش راتب ولدنا
لعتزى وانتزى ما قبله إلا يثقل بالديون
قال بعد التخرج سجلوا نص راتبها لبوها
واعتبر زوجها ما غير حارس وسواق لها

يعطيك العافيه