قوانين ........... !!!!

**الصدري** · 05-09-2008, 09:26 AM

قانون الاصطفاف : إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت الحين فيه
قانون التلفون : عمرك ما تتصل على رقم غلط ويطلع مشغول
قانون التصليح : بعد ما إيدك تتزيت وتتوسخ من الشحم ودهن الماكينة، خشمك يبدأ يحك
قانون المعدات : إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه

قانون الأعذار : إذا تأخرت عن الدوام وقلت لرئيسك أن كان عندك بنشر، اليوم اللي بعده تينشر من جد.
قانون المسبح: بعد وضع جسمك في الماء، يبدأ التلفون يرررررن وما يسكت
قانون الالكترونيات : إذا أخذت جهاز عند مصلح تبي توريه انه ما يشتغل، حزتها يشتغل أحلى كلام
قانون السينما : اللي حاجزين كراسي في النص لازم يجون آخر ناس ويدوسون على رجولك
قانون القهوة : أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك
قانون المصادفات : إذا كنت مع واحد أو وحدة ماتبي حد يشوفك معاهم، فجأة كل اللي تعرفهم يطلعون من كل مكان
!!! قانون الأقساط : إذا عندك سيارة أو طراد أو أي سلعة أشتريتها بالأ قساط ،،، مجرد أن تنتهي الأقساط تخترب
قانون الزواج : بعد شهرين من زواجك ... يسألونك ها في شي بالطريق ؟؟؟
!!
قانون نهاية الأسبوع : وأنت نايم يوم الجمعة حد النومه تكلف أمك او زوجتك أخوك الصغير يغثك لجل تقوم تتغدى
!!! قانون المعاش : آخر الشهر لازم كل العزايم والهديا والطلبات تزيد حبكت
قانون الطقس : لازم بنهاية الاسبوع وانت حدك متحمس بتطلع حداق أو تروح البر مع الربع يصير الجو هوى واغبار وحر وارطوبه بمعنى ثاني الفصول الاربعه بيوم واحد
و أخيرا قانون البحث : إذا حبيت تدور شي معين(ما تلقاه).... معنك كنت كل يوم تشوفه مقابل وجهك

**خالد الحزنوي** · 05-09-2008, 11:09 AM

ههههههههههه

حلوة هالقوانين وبالذات قانون الزواج

لا تحرمنا جديدك الممتع

**شرقاوي** · 05-09-2008, 12:25 PM

هههههة قوانين قد تكون صحيحة

**&دلـوعة حـزنة&** · 05-09-2008, 12:36 PM

هههههههههههههههههههههههها ي

صدقت والله وبالذات هذي دايم تصير

(((قانون الالكترونيات : إذا أخذت جهاز عند مصلح تبي توريه انه ما يشتغل، حزتها يشتغل أحلى كلام )))

شكرًا لك ننتظر جديدك