السلام عليكم
اكيد كل ام تشيل هم اولادها وطريقة تربيتهم وتحب ان اخلاقهم تكون عالية جدا ..
الزبدة ما أطول عليكم
عانيت من اولادي وطريقة تعاملهم مع الغير ..
وتعرفون الاولاد بالذات اذا رحتي منا ولا منا وش يسووون :mad:
عاد قلت بقعد لهم قعده ..
يا أنا يا هم
وش سويت ؟؟؟
عندي بلكونة في بيتي مهملة صايرة مستودع ،، وانا بيتي دور ..
قمت نظفتها وفرشتها فرش مساجد ،،
وقلت لعيالي ان هذا هو مصلانا ،، نحفظ فيه قرآن ،، ونجلس مع أبوهم بعد صلاة العصر يوجههم ويعطيهم نصايح بأسلوب يناسب أعمارهم .. ونصلي فيه انا وياهم ..
وسويت لهم برنامج الطفل المؤدب ،، حطيت الأخلاق اللي أبيهم يلتزمون فيهافي جدول وعلقتها في المصلى وكل واحد يطبق شي منها ياخذ عليها نجمة والعكس صحيح ،،، واللي يجمع عدد كبير من النجوم ياخذ هدية من صندوق الألعاب ( عبارة عن صندوق كبير عبيته العاب من أبو ريالين وسكرته ) ..
بصراحه تفاعل اولادي كان بشكل ماتوقعته ابدا ..
الله يقر عيونا بصلاحهم ويجهلهم هداة مهتدين غير ضالين ولا مضلين ..