القصيده هذي قيلت امام الملك عبد العزيز يرحمه الله في الطايف لابن عبد الباري رحمه الله

يالله ونا طالبك ياواسع الجود
ولا لنا غيرك اله( ن ) ومعبود
تاهب لنا في جنتك حوض مارود
واغفر ذنوبي ليلت امسي لحالي
لا مسيت وسط القبر والقبر ينهال
وجوني الاملاك هول من الاهوال
ويناشدوني عن حسابي والعمال
وقمت من بين الصلي والهيالي
وفي ضلام القبر يقولون الاملاك
ان كنت عاصي فالمعاصي وش اوزاك
ماتدري ان الله بعد يتقفاك
ويقلبونك عاليمن والشمالي
اما بني ادم فهم زرع للموت
تطويهم الدنيا من البعد والفوت
وتخرج النيران من بير هاروت
وتدك حتى نايفات الجبالي
يالله تعطيني كتابي بالايمان
واكتب لنا في جنتك عند رضوان
في جنتك فيها غروس وريحان
لاهل الموازين الرزاح الثقالي
تلمح الدنيا وهي بربع اركان
من عهد ذي القرنين والا سليمان
وطافها النمرود هو وبن كنعان
الربع فيها ناس والربع خالي
كانو معانا بالمباني يبنون
واقفوا على عمد المنايى يشلون
يامعجل القبار عنهم يقفون
لا ناشد عنهم ولا احد يسالي
اقمار يبديها علينا وتنشاف
لازاع نور الصبح مع كل مشراف
تبدي وتطمي عينها في جبل قاف
والشمس يطميها ويبدي الهلالي
بدعت قاف مابدعته على هون
والناس في قالات الخوان يبنون
تحلى كما تمر القني يوم يجنون
مع الدواسر في نخيل طوالي
ولا يدع لاهل الهوى يوم يسرون
قاري كتاب الله والناس يدرون
وربعي اهل المطايا يغنون
لا طربوها في ظلام اليالي
سر يانديبي فوق مهره مالخيل
بقدرتك يالله يامن له الحيل
يطب في الطايف على ثلث ماليل
وان جا الضحى عندهم مايبالي
تلقى المفارش والتراحيب لك هيل
ويبسطونك عند ذيك المعميل
وقهوه الصافي مع العود والهيل
ويسكبونه في قصور عوالي
وقل سلام عليك يامير الخوان
بني عمر زاعوا وغامد وزهران
[mark=#FFFF66]وناصره وثقيف وبلاد سفيان
مع ابراهيم حامي التوالي
وبن موالا زاع قيف على قيف
يقول عن ميعادكم مقدر اصيف
ركابنا حطت وعادت مواقيف
[/mark]اشكي علي الضر من سو حالي
عبد العزيز الي على الحرب صبار
يوم المدافع كنها الرعد لاثار
وعنده ال سعود يصخون الاعمار
مصابرين ايامها واليالي
العام الاول والدمي كنها السيل
سقوا لبن غنام وديان ونخيل
وتربه ظلت كما السوق للخيل
حين ريعو ميدانها للقتالي
الخاتمه ذكر النبي سيد الانوار
ويابخت من راح المدينه ومن زار
ومن زار البيت جاله تفخار
ويغفر ذنوبه ربي اول وتالي