(قسوة حنانك)
شفني على كثر الغلا جيت احاكيك
مـاهـزنـي صمتــك وقســوة حنانك
ماشفتني يوم العزى كيـف اواسيك
ارخي حجاب العين وابكي عشانك
ينتابني صمت الحـزن يوم أداريك
أذكـر زمـان الحب واذكـر زمانـك
ليت العمر ملكي واعيده وأجاريك
وأعلمك معنى الوصل كيف خانك
أبنشـدك يـا مـن علـى قلب مغليـك
مـا حـن قلبـك يــوم تتـرك مكـانك
أبنشـدك لــو يسكـن الغيـر خافيـك
ويعيش حلمـه تحت ضلك وأمانك
بتسكن بقلبه مثل ما هو سكن فيك
بتشــوف نجمـه يعتلي فـي كيانك
وإلا بتنسى الغير وتعيش ماضيك
وتصون جملـه قلتهـا فـي زمانك
للحـب نظــرة مـا تغيـر مباديــك
والقلب واحساس الوفاء عز شانك
