مين يبي يتخلص من أعز الناس؟؟؟؟
من يبي يتخلص من أعز الناس ؟؟؟
طيب خلينا نشوف سبب هالرغبه ؟؟؟؟
مليت منه...
طفشت من اسلوبه ...
صار بايخ ...
تحس انه لازم تفارقه
يمكن مايعجب صديقاتك مثلا ؟؟؟
جاء يوم الوداع مثلا..
المهم تبي تفارقه صح ؟؟
يقولون اللي يبي يفارق اعز الناس عنده راح يلقى عذر له في النهايه ..
يعني طريقه الفراق ابدا مي مشكله دام الرغبه في الرحيل موجوده....
طيب اوكي ..
ممكن أذكر كل واحد ناوي يفارق اعز الناس عنده بأشياء ...
قبل لايسوي اللي براسه ؟؟( ياليت نقرها مع بعض الى النهايه ) ياااااااليت..
...
نسيت ياللي قسيت قلبك .... نسيت أحلى الايام ...( ادري بهاللحظه ماودك تكمل باقي الكلام بس حاول عشان خاطري ....)
نسيت أول يوم تعرفت عليه ...( ممكن تتذكر شعورك وشلون كان ذاك اليوم.. حاول تتذكر الحين ) ؟؟
......
ممله صارت النكته الللي يقولها صح ؟؟؟ ....... وين كنت يوم كانت الضحكه تشقشق شفايفك من كلامه....
نسيت الساعات الطويله اللي كنت تقضيها معه ؟؟؟ ( بس انت وهو ماحد غيركم ..
نسيت يوم كنت تغمض وماتسمع غير صوته اللي يبعث الامل في نفسك....
ماتذكر يوم كان يغيب عنك يوم او اثنين وكنت تشتاقله .. ويغيب اكثر وتحس ماتبي من الدنيا غيره
نسيت .. يوم كان يواسيك في حزنك
نسيت انك في عز انكسارك كان يشجعك ويحاول يخليك صامد في وجه هالزمن ؟؟
ماتذكر ذيك اللحظات اللي كان يحاول ..ويحاول يطيب خاطرك
نسيت انه كان يفرح بفرحك ويحزن بحزنك ؟؟؟
تبي تفارق من يتمنالك الخير ؟؟
نسيت كم اخطيت عليه وهو يسامحك عن طيب خاطر .. وكم وكم اخطيت وهو يسامحك عشانه يحبك ...
ليش ؟؟؟؟ تسوي فيه كذا ؟؟
......
نسيت كم وكم ساعدك .. وضحى وتعب وارهق نفسه مو عشان شي بس عشانك..
صار قلبك حجر على اعز الناس
تعرف ان فراقك راح يتعبه
تعرف انه يبيك من دون كل الناس ؟؟
وتفارقه..
طيب ممكن تفكر شوي .. وتحط نفسك مكانه ؟؟
الحين يوم انك صرت قوي ومانت محتاج احد ... اول واحد تنكرت له اعز الناس
اول واحد بعته اعز الناس
لاتتعذر بالظروف ؟؟ ومشاغل دنيا فانيه ؟؟
لاتقول ابي ابداء حياه جديده .... طيب ابدأ حياه جديده ماحد قالك لا تبداء
بس لاتنسى تاخذ معك من ضحى لجلك في يوم من الايام .. لاتنسى من خلاك تاج فوق راسه
طيب اقل شي رد الجميل لاتكون لئيم ؟؟؟
تبي تفارق ؟؟ نسيت انك امير بدنيته ؟؟ وانك كل شي بحياته ؟؟
....
انا الللي اعرفه ان الدنيا دواره وربي مايرضى انه ينظلم احد بهالدنيا
الحين انت منت محتاج احد ؟؟؟
تذكر بكره يوم تضيع بزحمه الايام وتخونك دموع العين وتبكي
تذكر يوم يتنكرون لك اهلك وناسك اللي تحسبهم بيساعدونك وينقذونك..
تبي من يواسيك ذيك اللحظه راح تشتاق لاأعز الناس
اعز الناس اللي يوم اكل كان يتخلى عنك كان هو واقف بجنبك ماحسب حساب احد كان يحاول يساعدك بكل ماعنده ..
بس حسافه يمكن ماتلقاه ذيك الحزه لانك بعته بيوم من الايام...
نصيحه لكل من يقرا هالمشاركه لااحد يفرط في تؤم روحه ابد مهما كانت الاسباب... مهما كانت الظروف مهما كانت المغريات ... لايجرحه ولايتعبه .. لايلعب براسه الشيطان ويقول بكره راح القى احسن منه بألف مره .. ..
( وراح يشكرني بيوم من الايام)
اتمنى من كل واحد قرا هالمشاركه انه يراجع حساباته .. وياليت كل من يفكر الحين انه يفارق اعز الناس عنده انه يتراجع عن قراره ويفرح قلب أعز الناس عنده .. برساله .. او اتصال .. أو انه يشوفه ... ولاينسى يعتذرله ويعوضه عن اللي راح ...
والحين من اللي يبي يفارق اغلى ناسه؟؟!!
تحــياتـــي
رد: مين يبي يتخلص من أعز الناس؟؟؟؟
موضوع رائع أختي
بارك الله فيك ووفقك الى كل خير
تقبلي مروري
ننتظر قادمك
دمـــــــــــ بــــــــــــــــــــــــ ود ــــــــــــتي
رد: مين يبي يتخلص من أعز الناس؟؟؟؟
يشرفني تواجدك بصفحتي المتواضعه
تسلم لنا طلتك الحلوه وكلامك المشجع دائما يالهواوي
رد: مين يبي يتخلص من أعز الناس؟؟؟؟
وي وي
تصوير أكثر من رائع
أسرني جمال حرفك
وقيدني غرور بوحك
كلمات أبهرت و بجمالها ألجمت وأسرت
رد: مين يبي يتخلص من أعز الناس؟؟؟؟
بنت شيوخ
انتي من اسرني بسحر
كلماتك الرائعه وردك الجميل
آمـــــــــــــــــــــــ ـين
الله لايفرق بين المحبين
ولايفقد لنا غالي
