لا توقع على أي عقد
لا توقع على أي عقد
كلنا دايم كذا مستحيل نقرأ أي عقد نوقع وبس
من مكتب عقاري أو من بنك أو من أي محل استقدام ولا غيره
ليه توقع على شي أنت ما تدري وش مكتوب فيه بالضبط ولا الدعوة تخليص ورق بسرعة
لازم ننتبه من ألي نوقع علي
??
الرجاء قبل ما توقع العقد اقرأه
وخذه معاك البيت واقرأه على رواقه
كنت استقدم الشغالات من مكاتب في ؟
وللأسف هالمره قلت بأجرب مكاتب ؟
تقدمت للمكتب ودفعت الفلوس ووقعت العقد مثلي مثل اغلب الناس
اللي نوقع وثقتنا كبيره في الناس
http://sn129w.snt129.mail.live.com/m...d28def93d856fc
وصلت الشغالة بعد خمس شهور
قلنا لعله خير والخيرة فيما اختارها الله
بعد أسبوع قالت الشغالة : ابغي أسافر
قلت : معصي
ولمن أصرت وديتها المكتب وأدبوها
الأسبوع الثاني جاني اتصال في العمل من البيت
الحق الشغالة هربت
قلت في جهنم وبأس المصير
بعد ألغدا استأذنت من رئيسي في العمل
ورحت شرطة (؟) ابغي أسوي بلاغ
وصلت الشرطة وقلت لهم الموضوع
قال لي واحد منهم روح تحت الدرج يمكن تشوف شغالتك
وفعلاً لقيتها منسدحه مع شلتها الشغالات ومبسوطة
أخذتها للمكتب وعلمتهم السالفة انها شردت وصادوها الشرطة
قال لي السوداني : سفرها على حسابك وجيب لنا تأشيرة الخروج
على حسابي يالظالم !!! اجل وين الضمان الثلاثة شهور
قال : أنت موقع عغد ( عقد )
http://sn129w.snt129.mail.live.com/m...d28def93d856fc
أمنا بالله
وسفرتها على حسابي
وجبت للسوداني ورقة الخروج
قال لي ادفع 1800 ريال
قلت له : خير إن شاء الله .. ليه ؟
قال : أنت موقع عغد ( عقد )
http://sn129w.snt129.mail.live.com/m...d28def93d856fc
12- في حالة رفض العمل خلال فترة الضمان يدفع الطرف الثاني 1800 ريال مقابل البديل
بصراحة حسيت خلالها أني استأهل اللي صار لي
بس ما توقعت ان فيه ناس تستغل طيبتنا
ومن زود قهري
رحت للأمارة شكاااي
وللأسف ماحولك احد
يمكن تقولون عني غبي
لأني رحت للسوداني وقلت له عطني ورقة التأشيرة
وما عاد ابغي منكم شي
الله لا يسامحكم لا دنيا ولا آخره
وراحت فلوسك ياصابر
