لعتلى صوت المدافع واظلم الليل بسـواده
سطر التاريخ فينا ياوطـن اعظـم قصيـده
يوم نورد في حياض الموت في عزم واراده
نحتمي حدك ونثبت في معاركنـا الشديـده
عن ترابك مالنا غير النصـر والا الشهـاده
ما نساوم من يريد بتربتـك زرع المكيـده
ياوطن ابشر بجندك سل سيفك من غمـاده
للتقى الصفيـن والله مـا نبالـي بالوقيـده
يا وطن رايتك عليا والردي يلقـى الابـاده
لا حمى وطيس المعارك يجمد الدم بوريـده
كل جنـدي يهيـئ يـا جنـود الله عتـاده
واقبلوا يـم المواجـه للعـدو يلله نبيـده
لا دعت راية وطنا وانتخت للحـرب غـاده
شفتنا مثل الصقور الجارحه وقت الهديـده
للنصر خشم البنادق وللفخـر هـذا مـداده
وللعدو نار تلظى وفوقهـا حـد الحديـده
افتخر اني سعـودي لا ذكـر كلـن بـلاده
من ديار اخوان نوره صدق وايمان وعقيده
الملوك اللي اساس المجد واعلاه وعمـاده
نوخو الصعب وبنوا فالعاصفه دوله رشيده
يا حماة الدين يا نبض الوطن يا عز قـاده
امرونا لو نخوض البحر ما نخشى الفقيـده
منقـــــــــــول
