كيف حالكم إخواني وأخواتي أعضاءنا وزوارنا .. يالله حيّهم كلهم ..
جيت اليوم ومعي عيديه متقدمه لكم وأقولكم عساكم من عواده جميعا ..
أولآ : أرجوا أن يكون موضوعي خالصا لوجهه الكريم ..
ثانيا : أتمنى أن موضوعي يعجبكم ويرضيكم ..
هاي اللقطات ..
هذا الغروب أعجبني وأنا راجعه للبيت وصورته ..
موضوعنا يتكلم عن اللبن الطبيعي .. الزبادي الطبيعي ( الروب ) .. والزبده واللبنه والسمنه ..
هذا الحليب بعد ماطلعته من البراد ..
لآزم ولآبد وحتما نصفّي الحليب زين من الشوائب
نحطه على النار في قدر ( مطبقيّه ) علشان يتعقم زين ونقتل البكتيريا الضاره ..
اذا قرب يغلي نشيله ونتركه على جنب حتى يكون دااافي < انتبهوا يكون دافي مو بارد ..
ونجيب كأس الى كأسين لبن ( نادك ) كامل الدسم ونضيفه على الحليب الدافي
وهالطريقه نسميها ( نضريّ الحليب ) .. مثل هالشكل ..
وهذا القدر الثاني ..
بعدها نغطيه زين ونتركه حوالي 5 الى 6 ساعات حتى يكون زبادي ( روب ) Yogurt
ممكن تاخذون منه وتبردونه وتاكلونه بالعافيه .. نجي للزبادي وندخله للبراد الي ان يبرد زيييين .. ياخذ كم ساعه ..
طبعا أنا دخلته البراد بعد السحور ولما صحيت الظهر حطيته في الجهاز ..
ممكن تستخدمون هالغساله الصغيره وهاذي مخصصينها للبن فقط وعندنا آله ثانيه ستيل بس ماحبيتها ,, هاذي أسهل وأسرع .. نغسلها زين قبل الإستعمال بـ مويه حاااره علشان تتعقم .. ونحط فيها الزبادي مثل هيك ..
الحين نكمل الكميه كلها ..
نغطيها ونفتح زر التشغيل ونتركها حوالي ساعتين ..
نشيل الزبده بـ ملآس ..
وهاذي الزبده كلها .. أنا تركت شوية زبده في اللبن لأن فيه بعض من الأهل يحب اللبن فيه شوية زبد ..
نحفظها في علب بلآستيك نظيفه في الفريزر علشان نسوي منها سمنه ..
وهذا اللبن الطبيعي جاهز .. نعبي الدورق الستيل .. وندخله الثلآجه يبرد .. قدمناه مع السحور ..
http://www.m5zn.com/uploads/2010/8/2...5tmv7m5u5l.jpg
وهذا من قريب وتشوفون الزبده فيه ..
وهذا الباقي من اللبن نصفيه من الزبده هالشكل .. طبعا الكميه بتكون كبيره ..
هذا كأس لبن بااارد ..
الحين بتشوفون معي شلون نسوي اللبنه الطاااازه ..
الكميه الي بسويها عينّه .. يعني قليله ..
تجيبون صفايه وقطعة قماش نظيفه بيضاء ( شاش ) واذا ماتوفرت ممكن تحطون من ورق المطبخ .. نحتاج زباديي من الي سويناه وملح ..
نحط الصفايه ع القدر ونحط فوقها مناديل المطبخ أو الشاش ..
نحط الزبادي بعد مانملحّه ..
والملح لايكون كثير .. شويه بس وبعدين نغطيه ونتركه طول الليل لحد موية الزبادي تنزل ويكون لبنه ..
نشيله بالملعقه وبتكون اللبنه جاهزه للتقديم .. هالشكل ..
تشوفون الحين ( الزبادي .. الزبده .. اللبنه .. اللبن ) .. من انتاج مزارعنا ,.. والله يديم النعمه علينا ولآ يغيرها ( آمين ) ..
خلآص إنتهيت من موضوعي .. والله تعبت فيه جدا .. عسى ربي يكتب لي الأجر ..
وحياكم مره ثانيه أعضاء وزوار .. رديتوا أو مارديتوا أهم شيء تستفيدون ..
