جعله ابرك يوم

الموضوع : (( && جعله أبــرك يــوم && ))



السلام عليكم ورحمة الله وبركاته



إي والله أن معاد عندي غيـر ترديـد اللحـون "" والضيقـه اللـي رافقتنـي ماعرفـت أسبابهـا
مثل الغريب اللي كذا عايش مع الدنيـا مغبـون "" لاحيلـة ٍ يحتالـهـا ولا حـاجـة ٍ يسعابـهـا
ياقلب قوم أفرح وخلك مثـل نـاس ٍ يفرحـون "" وش له تشيل أهمومي اللي مافتحـت أبوابهـا
ياليت مالي شـي فالدنيـا ..ولاعنـدي عيـون "" عشـان ماشـوف المواجـع وأندفـن فترابهـا
ياهمي الماخوذ... ساعدني على صف الركـون "" النـار مـن شبابهـا والخيـل مـن ركابـهـا
بس الأكيد أن الضنون اللي تخالفهـا الضنـون "" تتعب شعـور اللـي معاهـا فالزمـان وخابهـا
والسلعه اللي تدخل الأسـواق ماتلقـى زبـون "" أشره على من سامهـا وأشـره علـى جلابهـا
والبارحه مثل السنه ..! عرضّ علي مثل الجنون "" أزوال نـاس ٍ ماعرفـت أشكالهـا وأنسابـهـا
تدخل مـع البيبـان وأداحـم كبيريـن المتـون "" مثل الجمال اللي علـى البيـدا تعـوج أرقابهـا
وأنا على شان الكلام الذرب وألسـان اللسـون "" مانيب أقـدمّ حاجـة ٍ إالا وأحسـب أحسابهـا
كل شي يهون ألا مقام الطيب عنـدي مايهـون "" وماني بحب اللي على الضيعـه تجـر أثيابهـا
ياصاحبي لاعـاد تطعنـي وأنـا كلـي طعـون "" ولاتسبق الأحداث ليـن أنـك تشـوف أكتابهـا
لو كل شخص ٍ قطلهّ كلمه علـى قلبـي يمـون "" ماكان ميـزت الرجـال اللـي تعـز أصحابهـا
ياعونة الله لو مالي فالحكـي مرسـى وعـون "" والسالفـه قفـت وأنـا يامابـهـا وألا بـهـا
صحيح ماني ملك نفسي وأكثر العالـم تصـون "" أصحابهـا وأحبابهـا وأنسابـهـا وأشنابـهـا
لكـن يافكـري تقـدم وأرسـم الفكـره بلـون "" لـون الطبيعـه وأتـرك المتصنعـه لا حبابهـا
الشعّر مثل الديـن والشاعـر مكلـف فالديـون "" وأنا ترانـي قـد شرهـات الحـدث وأعتابهـا
ماكل حاجه ترضي الجمهور واللـي يسمعـون "" وقصايـدي قصـة غـرام ٍ ماكشفـت أتعابهـا
لبيـه ياللـي كـل ماغنـت معـي فالتيلفـون "" في ساعة ٍ ياجعلـه أبـرك يـوم ربـي جابهـا
جتني على مضمار قلبي وأسمها مثـل المـزون "" ومافيه عرق ٍ مـن عـروق القلـب ماغنابهـا
أم الدلـع وأم الحـلام وأم الغنـج وأم الفنـون "" مثل المهار اللـي تـدق اخضابهـا بخضابهـا
في عينها حب وغلا وأحساس وأشواق وشجون "" أكتب قصيدي وأنشره وأكسب رضات أعجابهـا
هذي هـي تستحـق الشعـر وأبـداع اللحـون "" ياجعلهـا تبطـي معـي والـحـظ ماقفابـهـا


وسلامتكم

مشكور على القصيدة

قصيدة جميلة الله يعافيك

[align=center]قصيدة ذات معنى جميل ورائع

مع تحياتي لك

الغويد[/align]

مشكور على القصيدة

مشكووور على القصيده الرائعه

قصيده جمليه ...
تسلم يمناك.

يعطيكم العافيه على المرور



تحياتي