يمه ضميري ماهو اليوم مسرور

عبدالعزيز القثامي الشاعر الذي ما زال طيفه يمر امامنا كل يوم ..فمتى يحضر ويعم النور الارجاء والاضواء..
عبدالعزيز اليك مع التحيه

ياصاحبي جيتك وانا حيل مقهـور
من سبّـة غيابـك تزايـد عنايـا
دمعي تساقط والحزن صار محفور
في خافقٍ موجـود بيـن الحنايـا
ماني بقول اليوم ياصاح مشكـور
ولانـي كريـمٍ مجـزلٍ بالعطايـا
ماغير حزنٍٍ صفه الوقت طابـور
سبب عناة القلب واعقـب رزايـا
حاولت اخبي دمعتي داخل السـور
عند الرجال وعند بعض الصبايـا
واثر عيوني ينعكس وسطها نـور
في شوفها تسـرد علـوم وحكايـا
لو مانطقته قصتي داخـل الـدور
فكري فضحني عند كـل البرايـا
يقطع بي البيدا ويقطع بي ابحـور
ويقطع بي اديـارٍ ويبعـد مدايـا
مايقطع افكاري سوى قول بـدّور
وش فيك سارح ماتجـاوب ندايـا
هذاك صوت أمي به القلب مسحور
صـوتٍ يدفينـي ويقطـع بلايـا
واقول يمه خاطري صار مكسـور
عبدالعزيـز ابعـد وزود شقـايـا
ذاك الصديق اللي من الناس مخبور
نشّط براكين العنـا فـي حشايـا
صارت بيوته بين غيبات وحضور
والله تطاردنـي بـكـل القـرايـا
ماغير اهوجس وابعد الفكر وازور
أشعـار كاتبهـا رفيـع البنـايـا
واذكر بيوتٍ مزنها حيل ممطـور
واذكر قصايد كـان فيهـا البدايـا
"كم جرح فيني داخل القلب مقبـور
يامـا بكيتـه بالليـال الخفـايـا"
يمه ضميري ماهو اليوم مسـرور
لو كانت البسمـة تعانـق شفايـا
مايجلي همومي من الظيم و الجور
ياكـود اسمـه والقصائـد هدايـا
نفسي يرجعني قبل عـدة شهـور
وقتي, واشوف الإسم يـم الزوايـا
هذي بيوتٍ حبرها اليوم مخشـور
من دمـع عينـي والبقيـه دمايـا
ابيات كاتبهـا بنيـة مـن النـور
نيـات حسنـه والنوايـا مطايـا

م ن ق و ل

ماشاء الله عليك نقل رائع

ننتظر جديدك

الله يعطيك العافيه يا : aking

مشكوووور

[align=center]بارك الله فيك على المنقول الرائع ونتظر جديدك

مع تحياتي لك

الغويد[/align]

[align=center]يعطيك العافية اخوي على هذه المشاركة[/align]

أخي الملك

قصيده رائعه جداً

لاشك انها خرجت من رحم الحزن والأسى

بارك الله فيك على نقلك الجميل

ولاتحرمنا جديدك

بارك الله فيكم على المرور

بارك الله فيك

با رك الله فيك