روعه منقول

ياراكـب اللـي معالصنـف لـه تـاج
تاجـنٍ يتـوّج باالولايـات مصـنـوع
صنفن تميـز حـي منشـاء ومـدراج
راعيـه مايهديـه والبـيـع ممـنـوع
يسبق هبوب الريح وإعجـال الأمـواج
ويدوّي مثل سيلن تحـدر علـى فـروع
وإن إعترض ويلات خطـن وبطنـاج
ماهـزن الجبريـن ومثومـن الـكـوع
عاج الطيور الطايـره عـاج مايعـاج
إسهـام ذيبـن والغنـم غـر وإرتـوع
عجل الندب وقت السفـر عجـل الإدلاج
يجري مع البيداء على صوب وقطـوع
راعيه يسري ليـل والصبـح ماأنبـاج
يلمـع قـزازه باالقمـر بـرق لامـوع
منا مشاء عجلن على عجـل الإسـراج
ماينهـزع ممشـاه لأزوال ونـجـوع
يلفي على بيتـن ماهـو بيـت مسهـاج
ساسن على ساسن محصـن وموضـوع
بيت الزكاء وأوفاء الوفاء عز وأبهـاج
من شجرتن خضراء لها فـي وفـروع
ماحـط باالبيبـان قفـلـن ومــزلاج
مدهل جحافل من هل الكـار وجمـوع
يدعيك بيتـه عاصـف العـود فـوّاج
ونجر ن صداء صوته على البعد مسموع
وإقلط على عذابن زهاء وسوطهن تـاج
ومزعفرن توّه على الجمـر مصنـوع
عقـب المهيـل والقـراء عنـد هـداج
عطه جوابن داخـل الظـرف مشمـوع
منـا سلامـن عـد ماطـاف حجـاج
يابو طناء حبل الرجاء اليـوم مقطـوع
إلا إن عـاد معيـد لأرضـه بدعـاج
محيي رميمن هامـد الـراس وجـذوع
يابو طناء حبل الهوى حبـك وإدمـاج
قفلن علـى الأعنـاق مثنـي ومربـوع
غـرون ملـك ماكنهـا نطفـة أزواج
أنشهـد إنـه لاعنـي باالهـوى لـوع
خده كما الأنيون مـن فـوق الأبـراج
وشقر الذوايب فوق ردفـه يجـن بـوع
وعيونه المـوت الحمـر عنـده أفـواج
وشفـاه ورد الشـام مامثلهـا نــوع
صفـن ثمانـه حـب رمـان وثـلاج
والكـف ديباجـن وماهـود مجـمـوع
ونهودهـا بيـضـات وزن بمـلـواج
هافي حشاء ضامر تقل طاويـه جـوع
والساق غض ولونه أبيض مـن العـاج
هذي وصايف كامـل الزيـن وطبـوع
وجدي عليها وجـد غرقـان الأمـواج
يبـي الحيـات ولاتهيـاء لـه إطلـوع
أو وجـد عطشـان الفيافـي والأزراج
وجدي كما وجده علـى بـرد قرطـوع
وأربع سنواتـن وأنـا بهـم وإزعـاج
لاوآصـل ٍ واصـل ولانـي بمقطـوع
مابين ياسـن والرجـاء وآل الأفـراج
جزل الوهايب والرجاء منـه مشـروع
يابو طناء راع الهـوى مالـه عـلاج
تر ساعتي يومن ويومي غـداء إسبـوع
تمت وصلى الله عـدد نشـر وإخـراج
على رسولـن سـاد الإسـلام متبـوع

الله يجزاك بالخير اخي ابو هيا على الاختيار الموفق

جزاك الله خيرا اخوي ابو هيا

جزاك الله خير وربي يعطيك العافية