المراجـــــــــــــــــــ ــــــل؟

المراجـــــــــــــــــــ ــــــل؟

--------------------------------------------------------------------------------

اذا المراجل لبسة شماغ وعقال
قل للعذارى يلبسن العمايم
ما عاد يفرق زول حرمة ورجال دام الفعايل تشبه البعض دايم
المرجلة ماهيب كلمة وتنقال وتروح ما راحت هبوب النسايم
وإلا خشونة صوت أو رفع الأثقال أو رزة صدور وفعل الزلايم
ولا هي بعد مفتاح موتر وجوال والا ردي لسانن حديثه شتايم
المرجلة شيمة عن القيل والقال رفيع نفس حر بالجو حايم
المرجلة عقل وزن وزنه جبال ودون العقل وش فرقنا والبهايم
يا مسندي لو مايل الوقت بي مال ياولد ابوي ياعظيم العزايم
يامعرب الجدين من العم والخال يانخوة المفزوع وقت الهزايم
المرجلة ياخوي هي طولة البال هي العزم هي الصبر في الظلايم
فيها الكرم عزة دله وفنجان فيها الكرامة عن ردي الطبع شايم
والدين لامنه خدا القلب منزال مشى طريق الحق وابليس نايم
ومن لاعرف ربه في طيب الحال لابد وقت الضيق بالهم هايم
حتى صلاتك مع جماعات ورجال في خيرها ياخوي نعم الغنايم
ولامن نصف ليلك قم صفي البال ياعظم اجرك بين ساجد وقايم
وخلك شريف القصد ياطيب الفال سوء المقاصد فالبيوت الهدايم
واحذر تبيع النفس في دب الاندال وتتبع خوي ابليس راع النمايم
النفس خيل لك اذا كنت خيال ومن لا قوى نفسه قوته الهزايم
ولا صرت ماتدري لويش انت رجال والله خسارة فيك ذبح التمايم

[align=center]غامد يعطيك العافيه وياليت تسعفنا بقائل القصيدة ومناسبتها
سلمت يداك[/align]