قصة عجيبة... ابليس والعجوز ... لا تفوتكم......

كان يا ما كان في قديم الزمان ………كان فيه عجوز قاعدة بروحها

وفجأة طلع لها إبليس ……… العجوز خافت وسمت بالرحمن

…قال لها إبليس: أنتي يا عجوز هل تعتبرين نفسك داهية؟؟؟؟

العجوز: نعم أنا داهية ……….. والنساء عموما كيدهم عظيم

إبليس: أنا أتحداك……..وبنشوف مين كيده أعظم …..المرأة ولا إبليس

العجوز: خلاص أنا بسوي مشكله وأنت راح تحلها وإذا ما قدرت أنا راح أحلها

وراح أفوز بالرهان

إبليس: موافق

راحت العجوز حق واحد من اللي ما عندهم شغل ويا كثرهم

وقالت أنا بشغلك عندي فترة معينه بس……. إذا تبي لا تتدخل ولا تتكلم

وافق الشاب لأنه طفش من البطالة ويبي أي عمل

راحت العجوز ومعاها الشاب لمحل قماش وقالت له انتظرني عند باب المحل

دخلت المحل وأخذت قماش غالي وراحت تكاسر تاجر القماش

العجوز: رخص يا بن الحلال …

التاجر: إذا أنتي ما عندك خذي شيء أرخص منه

العجوز: ما أقدر…. لازم ولا يصير شي ء ما صار

التاجر :ليش ؟؟ …..لهالدرجه …..أيش السالفة ؟؟

العجوز: شفت الشاب اللي واقف عند باب المحل ..هذا ولدي

يحب له وحده متزوجه وهي تحبه ولما تتطلق من زوجها …ولدي بيتزوجها

وهو قالي أن عارضتي الزواج بأطردك من البيت وأمرني أني أشتري قماش غالي

عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته بأسمه

ا لعجوز تبكي

التاجر: خلاص هونيها وتهون والله كسرتي خاطري….

خلاص أنا بأعطيك القماش ببلاش….وعسى الله يكتب لي الاجر

العجوز طلعت مستانسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز: آه بابنيتي أنا تعبت من الطريق و ما أقدر أكمل ممكن أقعد عندك أرتاح شوي

رحبت الزوجة ودخلتها وأكرمتها وجابتلها شاي

العجوز: مشكوووووورة ما تقصرين ان شاءالله أردها لك (تعمدت تنسى القماش ) وطلعت.

الزوجة: حرام نست قطعة القماش …أكيد بترجع بعد شوي وتاخذها بروح أحطها بالدولاب..

تاجر القماش رد لبيته وتغدى ذاك الغدا السنع ونام شوي .

قام العصر وفتح الدولاب يغير ملابسه عشان يروح محله ……مفاجأة قطعة القماش في الدولاب

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض

العجوز: وش فيك يا بنيتي ليش تبكين؟؟؟

الزوجه : زوجي طردني …وما عطاني فرصه أتكلم .

العجوز: خلاص أنا بأوديك بيتي وأنا بروح أحل المشكله وافهمه الحقيقة

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول: كنت قاعدة في بيتي وفجأة دخل

رجل ومعه واحدة وقعدوا ببيتي حاولت أطلعهم ما قدرت

( أحتلوا بيتي )

ذهبت الشرطه وقبضت على الشاب والزوجه ….وقطوهم بالسجن.

العجوز: ها ها وش رايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت مرررررررة

العجوز: أنا راح أحلها وكأن شيء لم يكن . وراح أربح الرهان

راحت العجوز تزور الزوجه بالسجن وقالت لها: أنتي ساعدتيني مرة

وأنا اللحين بأساعدك…..

يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك.

الزوجة: مشكووورة…. لكن أنتي ؟؟؟

العجوز: مالك شغل مثل ما طلعتك بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي: ليش قابضين عليكم وشو مسوين؟؟

ردت العجوز: احنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن .

عصب الوالي وهزأ الشرطه وما عطاهم فرصه يتكلمون ويقول: غلطانين

وتبون تتكلمون. شين و قوة عين

طلعت العجوز من الوالي مستانسه وعطت الشاب وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها

وهي من كثر التعب نست القماش عندها وأن زوجته بريئه

وقالت خذ قماشك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز: وش رايك يا أبليس أنا فككت السالفه بكل سهولة

أبليس: أنتي ربحتي….صحيح…… أن كيدهن عظيم

وانحاش وهو خايف

------------

منقول ومعدل وسامحونا

مشكوووووووووووووور على القصة

تسلم يا دكتورنا على هذة القصة الجميلة ..

والله انك صدقت ..

شي ممكن يحدث وابليس ما يقدر يعملة ..

الله المستعان

مشكوووووووووور و يعطيك العافية على القصة الجميلة

من جد داهيه
يعطيك العافيه

ههههههههههه كل هذا يطلع من هالعجوووز


من جد داهيه


مشكوووور