قصتي مع الرقم 940 ،،، لا تغفلها والله تهمك في حياتك

الله اكبر الله اكبر الله اكبر
لاإله الا الله والله الكبر
ولله الحمد










قمت بالإتصال بنفسي على الرقم وصار فعلاً يستقبل شكاوى المواطنين


لا تغفل عن الرقم
940
سالفة صارت وقفت عند احد مطاعم الفلافل وأنا كنت انتظر الطلب
وقف راعي سيارة ونزل وطلب
الشاب سئل العامل السوري ليه لابس قفاز واحد جاوب السوري هذا اشتغل فيها وهذا أحاسب والعامل السوري وهو يتكلم
كان ماخذ الخبز بيده اللي بدون قفاز وحطة على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني
وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه
أسئلة المهم من ضمن الأسئلة اللي كان يسألها وهو يضحك سؤال حسيت السوري منجد بينفجر وسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة
استفهام وتعجب كبيره
وقال معك مفتش الصحية وتعال شوف وجه العامل من زود ماهو احمر من النار
يوم سمع كلمة مفتش الصحية صار وجهه
تقول طماطة المهم أن الرجال دخل المطبخ حقهم وصار يعطي الملاحظات وطلع واحد من العمال
مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه
المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم ومصلحت الزبائن لو الواحد جاه تسمم أو أي مرض انتقل عن طريق العدوى راح يدعي عليكم
ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال
شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار بعينك
يا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون
أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن أي مطعم عليه مخالفات
انشرها لمصلحة الجميع

احسنت اخي العزيزابو معاذ الحزني ولكن هل الرقم 940 يقومون بدوهم على الوجه المطلوب وإلا مثل مكافحة الغش التجاري ومراقبة الاسعار إلا إمر فيها خادم الحرمين الشريفين ولكن للأسف لم تقوم بواجبها على الوجه المطلوب بل خيبة أمال الشعب السعودي وتقهقرة في تنفيذ أمر خادم الحرمين الشريفين هذه الجهة وغيرها من الجهات المعنية بالسعودة فشوف محلات الخضار كلها هنود ومكاتب العقار مصارية وسودانيين ولا حياة لمن تنادي فهل ترغب هذه الجهات في نزول ولات الامر إلى الشارع لكي ينفذوا مايمرون به وتقبل مروري اخي العزيز

يعطيك العاااااااااااافية رقم مهم مع كترة انتشار المطاعم وانتشارالتسمم في اغلب المطاعم

تقبل مروررررررررررررري

كلام جميل وجيد أن يصل مستوانا إلى هذا ..
ولكني ..
أخاف من الذي يدور بالخفاء !!