قصيدة ناصر الفراعنه في غزة

..(.. صــرخـــة هــــزت بـــيـــوت غـــزة ..)..

صرخة هزت بيـوت المجنـب بيـت بيـت
كادت الأموات منهـا تجـاوب ميـت ميـت
قمت أجاوب داوي الصوت منها ليـت ليـت
ليتني من دون بعـض السوالـف دون دون

لا متـى تسبـى فتـاة و لا يغضـب فتـى؟
ولا متى صهيون تسلـب محارمنـا شتـى؟
هل على صهيون حين مـن الدهـر أتـى؟
لم يكونوا فيـه نطفـه زنـا مـا يقذفـون

أيها المجد القديـم أفتـرش ثوبـك و نـم
منت لاقي من يقـول أنتهـض حـرّ و قـم
صرخـة يهتـزّ منهـا حـرم أول حــرم
نصفنا عن طشة الخـوف عنهـا غافلـون

ليت شعري كـل حـيّ صحـا حتـى جحـا
و المغفل مثـل ماهـو مغفـل مـا صحـى
عن رحا حـرب تقانـب طواحنهـا ضحـا
الجماعـة فـي ملكـوت ربـي سارحـون

أيهـا الحكّـام مـن أرض مكنـاس إلــى
أرض جاكرتـا ومـن أبّ حـتـى كـربـلا
لـو عقدتـم أمركـم مـرة واحـده علـى
أن تخوضوا الحرب حتى و أنتـم كارهـون

فـ شنبي إن ما جاء (أولمرت) كالكلب يعدي
يطلـب الصفـح بوجـهٍ كليـلٍ أســودي
إن صهيونـاً و إن طاولـوا نجـم الجـدي
أجـبـن الخـلـق لكنّـكـم لا تفقـهـون

إن محض الكفر إذ ليس بعـد الكفـر ذنـب
أن ندع صهيون تبني بجنب الطمـب طمـب
عيب تدحمنا بجنب و احن عشريـن جنـب
( .. .. .. .. .. .. .. .. .. .. ) *

يا لهذا العار هل بعـد هـذا العـار عـار؟
أمـة المليـار تهتـك محارمـهـا نـهـار
أي سلام و أي تعايش و أي حق و جـوار
و أهلنـا قدامنـا مـن خـلاف يصلـبـون

أمة مع كونها أكبـر حجـم و أكثـر بشـر
للأسف في وزنهـا مـا تعـادل كيـس بـر **
عقب ماهي أمس ها كبر صارت هـا كبـر
كأن مـا فيهـم قلـوب ولا فيهـم عيـون

أصح يـا نايـم وفتـح عيونـك يـا خبـل
السرا ياصلك لـو أنـت فـي قمـة جبـل
والله إن تاكل مثل مـا كلـوا ربعـك دبـل
راجع الحسبـة قبـل لا توهقـك الظنـون

منت بأطيب من بني عمك الماضيـن سـاس
ولا أنت بشجع راس منهم ولو سويت راس
ولا أنت بأقوى باس منهم ولا أصعب مراس
مير عجّل بالطعـن قبـل تاصلـك الطعـون

يا (مصر) يا مصر الأبطال من ماضي الزمان
أ على أرضـك (أولمـرت) يمـد اللسـان؟
و يتهـدد شعبنـا أينمـا كانـوا و كــان
من عـذر أبنـاء هـودا بكـم يستهزئـون

ولعوهـا نـار ولا أفتحـوا معبـر رفــح
خلوا الأبطال تـأدّب بنـي صهيـون صـح
كيـل أمتنـا مـن العيـش فـي ذل طفـح
كيـف أهانوهـا و أنتـم قيـام تنظـرون؟

الله يعطيك العافيه

مشكور أخي الشعف على النقل المميز

تقبل مروري

الغويد

مشكور أخوي على هذا الإختيار الرائع ودمت بسعاده

يعطيك العافية