حزة افراقي !!

[تحدوهـ البشر]

الوقت جاير ودمـع العيـن فأحداقـي
والقلب بعد الغضي زادت به طعونـه
يا وقت ويش الذي باقي بعـد باقـي
يكفي ظروف ٍ تصددني بهـا دونـه
قيدتني وأنت ما أنته نـاوي اطلاقـي
عزي لحالي مـن الديـان واديونـه
والجادل اللي بكى في حـزة افراقـي
قولوا له ان المشاعر فيه مسجونـه
ادفن مشاعر هوى نفسي في اعماقي
لكنّ ثارت عقـب ماهيـب مدفونـه
والله ما كنـت ابيّنهـا لـه اوراقـي
مير الهوى يفضح العاشق من اعيونه
هو غاية القلب والاحساس و اشواقي
وكل الأماني على ما قيـل مجنونـه
افداه كلي وقلبـي يشفـق اشفاقـي
ويالله عسى تالي العربـان يفدونـه
هافي حشا سالبـن حالـي وخفاقـي
يا ويل حالي ليا من مالـت غصونـه
يقفي يباسي ليا من صـار ترياقـي
واعيش داله ليا هلـت لـي مزونـه
والعاذل اللي نوى بعدي على احراقي
قولوا له اليا هرج يهرج على هونـه
اسمع ولكن على عهـدي وميثاقـي
يعني علاقة هوى المجمول مضمونـه
ولو جار وقتي ودمع العين بأحداقـي
منساه لو الزمـن زوّد بـي طعونـه

[شفا القطار]

صح لسانك يالشاعر

[فتى الدار]

قصيده جميله يعطيك العاااااااااااااااااافيه ونتتظر الجديد دائماً

[أم خيرية]

[الغويد]

يعطيك العافية ولا تحرمنا جديدك

تقبل مروري

الغويد

[العاقل]

ماشاء الله قصيدة جميلة

امتعنا بجديدك