قصيدة معبرة ... تحكي كثيراً من واقع الأصدقاء

[الحجاز]

[CENTER][SIZE="4"][B]

الأصحاب

يا كثر الاصحاب يوم اللعب والدشره

يوم الملاهـي تـدوّر مـن يلهيهـا

من اول شقتـي بالنـاس محتشـره

يوم العزوبيـة اللي كنـت مغليهـا

واليوم لا عاد لا خـوه ولا عشـره

الله ولا رفـقـة هــذي تواليـهـا

ناس مع المصلحه عشره على عشره

وان حدك الوقت حدة لـك جنابيهـا

اللي حياته مـع البيلـوت والنشـره

واللي يحب الدشوش ولاهـيٍ فيهـا

واللي على الخط دايم فاغر الكشـره

سمّاعته طـول ليلـه مـا يوطّيهـا

واللي مزاجه مع القصات والبشـره

ماله هدف والنصايـح مـا يدانيهـا

واللي مع الناس لا يفقه ولا يشـره

شقراً مع الخيل لا هجّـت تباريهـا

ذي عيّنه في شباب اليـوم منتشـره

عسى الذي جابها من الارض يمحيها

اهل المصالح معرفتهـم كما القشـره

لا نظّف الراس بالصابـون ينهيهـا

هـذا كـلامٍ علينـا واجـبٍ نشـره

وما تحرق الجمره الا رجل واطيها




الشاعر الكبير : سعد بن جدلان الاكلبي


طبعاً القصيدة قديمة وقبل مأساة الشعب في الأسهم لذلك لم يتطرق لها الشاعر ، فقد كانت سبب تفريق بين الأصدقاء نظراً للساعات الطويلة في متابعتها ، والنهاية خسائر وضياع كثيراً من المصالح

[الشعف]

يعطيك العافيه

ونريد المزيد

وشكراً

الشعف

[فتى الدار]

يعطيك العااااااااااافيه اخوي قصيده جميله ولاكن مكانها في المنتدى الادبي ارجوا نقلها الى المنتدى الادبي

وتقبل مرورررري

[الغويد]

مشكور اخوي الحجاز قصيدة جميلة و نقل رائع

طبت وطاب طرحك

لك تحياتي

الغويد

[@دار حزنه@]

مشكور على هذه القصيده الرائعه جداااا

[أم خيرية]

ماله هدف والنصايـح مـا يدانيهـا

واللي مع الناس لا يفقه ولا يشـره

شقراً مع الخيل لا هجّـت تباريهـا

ذي عيّنه في شباب اليـوم منتشـره

عسى الذي جابها من الارض يمحيها

اهل المصالح معرفتهـم كما القشـره

لا نظّف الراس بالصابـون ينهيهـا

هـذا كـلامٍ علينـا واجـبٍ نشـره

وما تحرق الجمره الا رجل واطيها

بارك الله فيك وفي قائل القصيده قصيده تحكي واقعنا وفقك الله وسددك الى كل خير

ننتظر منك كل جديد ومفيد وهادف

تقبل مروري وتقديري......دمت في حفظ الرحمن