دجاج بالخضار المقلي أسهل منه مافية ؟؟؟؟؟؟

**احساس غريب** · 06-13-2009, 06:25 PM

السلام عليكم ورحمة الله وبركاته

حبيباتي اليوم انا مسوية دجاج بالخضار المقلي مع رز ابيض وان شاء الله يعجبكم وترى طعهما ولا ألذ منها

اولاً ::ـــ البصل مقطع قطع صغيرة جداً

ثانياً::ــ الدجاج مقطع قطع متوسطة الحجم ..نبهر الدجاج باي انواع بهارات عندنا ..

ثالثاً ::ــ نقطع الخضار كوسه + بطاطس + فلفل + جزر +باذنجان بس انا ماعندي باذنجان يعني عادي اي نوع خضار تحبينة

نأخذ الخضار المقطع ونقليه .....

رابعاً::ــ نحمر الدجاج المتبل بالبهارات في مقلاة ونتركها اللين تبدأ تتحمر يعني ماتستوي ...

خامساً ::ــ نحمر البصل في شوية زيت ...ونضيف لها حبة وحدة مرقة ماجي ...

بعدين نضيف الدجاج المحمر للبصل ..

بعدين نضيف الصلصة ...

بعدين نضيف الطماطم المطحونة ...

ونتركها تتسبك على نار هادئة جداً لحد ما نشوف الدجاج استوى...

وبعدين نضيف لها الخضار المقلي ... ونحركها ونخليها على النار شوية وبعدبن نطفي عنها ...

طبعاً الأن نجي للرز تكونين منقعته قبلها في ماء حار ...

وهذا شكلة في القدر وهو يطبخ ...وماتنسين تملحينه ...

وهذا الشكل النهائي على السفرة ...

انا سويت معاها سلطة الخيار واللبن ...

ان شاء تجربونها وتعجبكم وماراح تندمون والله طعمها لذيذ مرة