بعض قصايد محمد بن فطيس........

**الشعف** · 08-30-2009, 04:21 AM

؛، .. ســـولفـــــوا .. ،؛،

سولفـوا تكفـون لا عـاد تسكتـون
قبـل لا أهوجـس وياتينـي بـلاي
السكـات يـزود طعونـي طعـون
وتنكسر لا جا على راسـي عصـاي
سولفوا لـو مـا بغيتـوا اتسولفـون
قبل لا اقعد في الحزن رايح .. وجاي
واضحكوا لـو بالعمالـه تضحكـون
وجاملونـي لـو يضايقكـم حكـاي
لي وليـفٍ راح جعلـه مـا يهـون
هــو دواي وداي .. أو داي ودواي
راح لكن طيف زولـه فـي العيـون
مــرةٍ قـدامـي ومـــرة وراي
وإن سكتوا جا وهـو طيفـه يمـون
رحت أهوجس له وأبيـن لـه ولاي
مكسب عيوني من الفرقـا مـزووون
تمطر لطاريه .. والبرق ؟ أصدقـاي
كل ما طـروه لـو هـم يمزحـون
احرموني من غـداي ومـن عشـاي
أدري إنه مـا تناسـى الـود كـون
تسمع إذنه في قفـاي اللسـن عـداي
وكانهـم قالـوا نسيـتـه يكـذبـون
وإلا أنـا فيـه أمتلـك نظـرة وراي
كان حبه لي على خبـري مصـون
والله ان كنـي بقـدري .. وبغـلاي
ذي بقايا الحـب وأطـلال الجنـون
والله أعلم فـي ضميـره وش بقـاي
غيـر طيعونـي ولا عـاد تسكتـون
ولا والله إن أسمعـكـم بـكــاااي

----------------------------------

،؛، .. يا قـــو قلــــبـــك .. ،؛،

ياقو قلبك على الصّـده ويـا صُبـرك
وياوسع صدري على صدك ويا صُبري
وياطول عمـرك بذاكرتـي وياكُبـرك
وياشيب عيني بشيّـب عـاد ذا كُبـري
والله لون حمل صبري فوقك..ان تبرك
والله ولو تعتذر منـت بعلـى خبـري
ان ما جبرك الغلا ما اقدر على جبرك
ياللي على ارض الوفا ما شبرك بشبري
تزعل وترجع وتلقانـي علـى خبـرك
وانا انكسر لك واجيـك ادوّر لجبـري
طيفك وذكراك طيلـة غيبتـك سبـرك
وشوقي لشوفتك طيلة غيبتـك سبـري
امحق وليف ومحبه والا اقـول ابـرك
حسبي عليك اعشقك وانت اتحفر قبري

-----------------------------

،؛، .. في شاعر المليون .. ،؛،

في شاعر المليون للشعـر مضمـار
والسابقة في الشـوط تظهـر بيدهـا
امضمرين أبكـار الأفكـار شعّـار
وكلـن يحضّربكرتـه فـي وعدهـا
واللي تردت لا يـدور لهـا أعـذار
معـذورة مـا دام قـد ذا جهـدهـا
واللي تعوص وتضرب الحاجز يسار
تشـلّ ف الدنـة وترجـع بلـدهـا
وأنا ذلولي بنت صوغـان الأشعـار
مـن حبهـا عنـدي تفحـم وحدهـا
إن جاره الله من تصاريـف الأقـدار
جاتك وجاك الجيـش كلـه بعدهـا
الله عليهـا مـن مقاريـد الأنظـار
وصلت تحست مـا غشاهـا زبدهـا
وتلقوفهـا بالعلـم رمـز وإشعـار
وصفق لهـا منهـو بعينـه شهدهـا
ومن روبها أول ما تنصـخ تمطـار
ياللي تزعفرها مـن الطـاس زدهـا
شبهت بالهجن الأصيـلات الأشعـار
وقصيدتـي تـراث أهلنـا مـددهـا
أعتزبـه وأقبلـه إجـلال وإكـبـار
واحة شرف يا سعد منهـو وردهـا
أغلبنا في موجب الضيـف والجـار
يحلـب لبنهـا قبـل يذبـح ولدهـا
وتراثنا مـن دونـه نبيـع الأعمـار
وبأفعالنـا روس المعالـي صعدهـا
واليوم ضاق الجو من كثر الأقمـار
تبـث حقـد لـي لحقـده رفـدهـا
غزا الشعر قبل أمس غازين الأفكار
قومن على الساحـة دفعهـا حقدهـا
تلفقوا ثم جاؤوا مـن كـل الأقطـار
هـذا يصبحهـا والآخـر هجـدهـا
هذا يحرف في الأسف سر وإجهـار
وهذاك يذبـح موهبـة فـي مهدهـا
وقفوا علم للشعر في وقت الأسحـار
غاروا على الساحة وعروا جسدهـا
وصاحت بعد ما شافت سترها طـار
ووقّف ولد زايـد محمـد ساعدهـا
قال أبشري بالستـر وبـردة الثـار
وأضفى عليها سترهـا مـا نشدهـا
واستل سيف فـي المواجيـب بتـار
واطلب وردن في العلا مـن فقدهـا
على خطى زايد خطاويـه مـا بـار
والحاجة اللي فـي خيالـه وجدهـا
أغنى العرب من شوف أكاديمي ستار
ومن شوف أمر من السخافات وأدهى
شفت الشعر بستان وأبوابـه أزهـار
وقطفت ما يسقي المشاعـر شهدهـا
قطفتها مـن ديـرة تنبـت أحـرار
من دار بـو مشعـل ذراي وسندهـا

-----------------------

،؛، .. يـــوم المزايـيـــن .. ،؛،

من لابتي مّره الى جـدي افطيـس
ربعي مطوّعة الصعـب بالصمايـل
ناموس ياللـي تكسبـون النواميـس
ياهـل العلـوم الغانمـه والجمايـل
اهل السموت وفي الملاقا فواعيـس
يقطعـك يـاهـرجٍ بلـيـا دلايــل
انتو خيارينٍ علـى الخيـل فريّـس
اسـمٍ ينومـس بيـن كـل القبايـل
يامقلّطينٍ شـذرة السيـف والكيـس
قد قالها ابن حميـد ضمـن المثايـل
منصا الرجال اللي على ضمّر العيس
وفالحرب نطّاحة شبـا كـل عايـل
هواجـرٍ لاجـات قدهـي مقاويـس
ركب الضيوف امن السرا والقوايـل
تنصـا ربـاع امتعّبيـن المحاميـس
مروين حـد المرهفـات الصقايـل
يردون غصباً والعـزاوي متاريـس
لاجـا نهـارٍ فيـه عـدلٍ ومـايـل
وامسيّسين اسياسة الفـوز تسيّيـس
باللبل وبالهجـن السبـاق الاصايـل
تفوز في يـوم المزايـن وفالريـس
من كـل منعوتـه تسمـى وحايـل
ولو حصل للبل من النـاس تفليـس
يكفيكم انك فالعـرب مـن لاوايـل
تلبس من العنّـاب زيـن الملابيـس
يوم المزاين مـع ارجـال الحمايـل
يزها بها لـون العلـم تتبـع افنيـس
ابـلٍ لهـا عـادات كسـب النفايـل
ومدحي لبو زايد محمد بـلا قيـس
مدحٍ لـو يقـارن بفعلـه .. قلايـل
الله يمهّـل بـه ويخـزي لاباليـس
وايدوم ذكره فـوق كـل الطوايـل

---------------------

،؛، .. لا ضاقت الدنيـــا .. ،؛،

لا ضاقت الدنيا عليـك وتشاويـت
خلق الله اللي فالرخا كـان واجـد
ومن العرب والصوت والثوب مليت
وقامت عليك هموم بأقعـا تراجـد
فارفع يديـك لخالقـك لا توضيـت
وادعو تراك أقرب إليا صرت ساجد
ووقت من أوقاتك للأوقات توقيـت
وسجل لنفسك في المساجد تواجـد
وأبشر بفزعة حامي الدين والبيـت
إليا هجدك من الهواجيـس هاجـد
اللي يميت الحي ثم يحيـي الميـت
لرضاه شف كثر البشـر بالمساجـد

-------------------------

،؛،.. الــبـارحـــة ..،؛،

البارحة ربـي كتـب لـي ومريـت
دربٍ عليه بـروق الأحبـاب لاحـت
جيت المكان اللـي جمعنـا وخفيـت
وقامت جروحي للجوارح وصاحـت
ياليتنـي فـي لفـة الـدرب زليـت
كان العيون مـن الدمـوع استباحـت
التم غيـم الدمـع مـن يـوم لفيـت
وورقا القصيد لشوفـة الغيـم ناحـت
وضحكت ماأبغي الناس تدري يبالفيت
لكنها غصبٍ علـى العيـن ساحـت
حارت دموعي في عيوني وصديـت
وأرمشت مابيهـا تبيـن .. وطاحـت
وعقبه برق في العين براق .. واسقيت
خـدي ووناتـي بصـدري تلاحـت
وأنا أحسب إني في فراقـه تشافيـت
وان عبرتي من مدخل الزاد زاحـت
اللي يحسب إني على البعـد سجيـت
والا ان عيونـي للرقـاد استباحـت
ياليتني مـن قبـل لا أحبـه اقفيـت
والا ان دروبي عن دروبـه تناحـت
أهون علـي مـن البكـا والتناهيـت
وأشلا من سدودٍ على النـاس باحـت
عرفت كيف الحي يفرق عن الميـت
وعرفت قيمة نعمتـي يـوم راحـت
قولولـه انـي عقـب بعـده تدانيـت
ورجلي عن دروب المعافين شاحـت
البعد نـار وطاعـة العـذل كبريـت
يقصر على بعده .. ترى الكبد فاحـت

----------------------

،؛،.. أنا جـــيت كـــلي ..،؛،

ماهو بكيفـك عقـب شـيٍ حصلـي
من ذوّق المحتاج يصبر الى احرجْـه
خليتني مـن حلـو حاليـك احلـي
واصبحت مدمن حب والقلب روّجْـه
بين العروق وصار مافيـه " ملـي "
الا ولـه جُـرّه تمـرّه وتسهَـجْـه
وذود الغلا في عشـب قلبـي تفلـي
وتراب صدري للمطر منْك ما احوجْه
يمحل الى صدّيت ويموت يـا اللـي
صديت عنّـه والله احيـاه واخرجْـه
ولي خاطر ٍ يسألْك من لي ياخلـي؟
غيبتْك تلعب بـه وشوفتْـك تبهجْـه
ولي عين حالي دمعهـا لـك يهلـي
وانْ رحْت راحت مالح الدمع تزعجْه
غالـي ولا يحتـاج بسّـك تغـلـي
غلاك اخذ قلبي وروّضْه واسرجْـه
ولو قلـت ياعينـي بصـدره تملـي
شافت خفوق ٍ حبك الـذرْب توّجْـه
وماهو على كيفك عقب ما حصلـي
من ذوّق المحتاج يصبر الى ازعجْـه
(عطيتني وجهك وانـا جيـت كلـي
محروم والمحروم ما ينعطـا وجْـه)

-----------------------

،؛،.. في كــــفـــها خــــاتــــــم ..،؛،

فـي كفهـا خاتـم وفـي خدهـا خـال
وفي عينهـا غيـم وعمـارات وبيـوت
الخال شفته واضـحٍ مـن ورى الشـال
والخاتـم المـاس مـرصـع بيـاقـوت
والعمر في العشرين كنـي مانيـب زال
والجسم كنه مـن جبـل ثلـج منحـوت
جبـل ولكـن لا طرقـه الهـوى مـال
وخطواتهـا ماهـي بالأمتـار بالفـوت
ماهي تشوف الشمس من ظل الاظـلال
ومصيافهـا مـا بيـن لنـدن وبيـروت
الشمس لو تشرق علـى جسمهـا سـال
كنهـا مجسـم محلبـيـه وبسـكـوت
ومن صغر مبسمها شقى حالهـا الحـال
ما تاكل الا اللـوز والخـوخ والتـوت
ماهي تشوف النـاس تمشـي وتختـال
ومرٍ على جاكور ومـرٍ علـى حـوت
وخدامتيـن وهـي بـلا زوج وعيـال .
وسمعتهـا تدعـي الدريـول ييـاقـوت
وثـلاث جــوالات مـاهـو جــوال
ومن يوم خلقـت كـل شـيٍ بريمـوت
لكـن قلبـي مالـهـا فـيـه مثـقـال
وش قرب البشت الحساوي من الكـوت
ياجعلهـا للـي خـذت قلبـي نعـال .
اللي غلاهـا عنـدي الشـرب والقـوت
حوريـةٍ مـن فوقهـا الليـل شــلال
كنهـا صبـحٍ فوقهـا الليـل مكـتـوت
قلبي لها مـن كثـرة الشـوق مشخـال
وللسـر عـن كـل المخاليـق تابـوت
تنحت لي من الحب في القلـب تمثـال
وحبي لها ينحت علـى الساحـه بيـوت
فـي عينهـا ماكـل رجـال رجــال
وأقصى حدود الوصل في سلمها الصوت
زودٍ على القلب وعلى الحسـن مـن آل
روسٍ لهم روسٍ على متونهـا بشـووت
الى رضت موتوا يا أهل روس الأموال
وإلى زعلت جربت وش سكرة المـوت
مـن دونهـا رجلـي وراكـب وخيـال
والسيف والأمـواج والبحـر والحـوت

---------------------
،؛،.. دكـــــتور العـــيون ..،؛،

(يامؤمن الريفـي )انـا جيتـك زبـون
جيتك على مدح اكثـر النـاس وعنيـت
جيـت وتعالـى الله عـمّـا يشـركـون
لـولاه (يامؤمـن) لطبـك مـا اهتديـت
راضي بحكـم الله علـي مهمـا يكـون
عالج عيونـي لـو بعـد طبـك عميـت
ودي اخاشـر فالبصـر مـن يبصـرون
واشوف دربي لا سرحـت ولا ضويـت
والى قنصت اثبـت مـع اللـي يثبتـون
واشوف طيري كل ما اوميـت ودعيـت
ياااكثر ما يضـرب خويـي (الطابلـون)
من كثـر مـا اكلّتـه مطبـاات وكليـت
وودي اشـوف اللـي علـي يعرضـون
وبعض الليالي ودي اسـري دون ليـت
وااشوف نـاس ٍ فالقفـا مـا يرحمـون
امـا وقفـت لصاحبـي والا مشـيـت
مـن دون نظـاره ولا هـم يحـزنـون
يااا كثر ما كسّـرت كشمـات وشريـت
لكـنٌ يـا دكتـور جعلـك مـا تهـون
ابغيك كلمـت راس دامـك مـا بديـت
اسمع......ولا ابغي اللي وزانك يسمعون
ربي كتب يكشف لك اسـراري وجيـت
صورة عديل الـروح عنـدك فالعيـون
واخاف تقطعهـا بموسـك مـا وعيـت
ولا عليك امر..اطوهـا تحـت الجفـون
وعقبه لو تقطـع عيونـي مـا شكيـت
هي راس مالي والعـرب مـا يدركـون
اني على بـاب الممـات و مـا حكيـت
ياقـو قلبـي يـوم قـفـن الضـعـون
اللـي علـى ذاك المـوادع مـا بكيـت
ويا صبر صبـري والعـواذل يحسبـون
انـي دلهـت مـن الهـوى والا سليـت
اسكت عساهـم مـن سكاتـي يسكتـون
وانا عن اللي في ضميري مـا انتهيـت
وادور الفرحـه مـع اللـي يسهـرون
وان ذكروني خـذت فنجـال وسريـت
اخذت من وقتـك يـا دكتـور العيـون
عالج عيونـي لـو بعـد طبـك عميـت
واستر علي واللـي معـك لا يفطنـون
انت الوحيد اللـي بعـد ربـي دريـت

-------------------

،؛،.. تالي عصير ..،؛،

الضيقة اللـي دايـمٍ تالـي عصيـر
وش حيلتـي وأردهــا لا تجيـنـي
لا طال ظل العود حزة عشى الطيـر
كنها علـى سجـن الحديـد تحدينـي
يضيق صدري كل ما جـات وأسيـر
ولايخفـف سـوج رجلـي حنيـنـي
لا حولنا مشـراف ولا اقـدر اطيـر
يالله قمـسـة خـيـر لا تبتلـيـنـي
وعقارب الساعة توقف عـن السيـر
ولاكن في الدوحة سواتـي حزينـي
والعبره اللي تاصـل الحلـق وتحيـر
يا قربها لـو قيـل لـي يـا عوينـي
أمل شـوف النـاس ورد ومصاديـر
واللي يقـول اشفيـك كنـه يهجينـي
يعني على ما قيل من بـاب تصويـر
(لاحدٍ أبي قربـه ولا أحـدٍ يبينـي)
أروح أدور خـط مـابـه دواويــر
وأدور الـلـي هـادهـا تهتديـنـي
وآخذ مع الهاجـوس سجـة وتفكيـر
وأراجع اللـي فـات بينـي وبينـي
وأحسـب ذنوبـي وأدور التكفـيـر
عساي مـا قصـرت فـي والدينـي
وعساي ما قارنت مـن ينفـخ الكيـر
واللي يحمل المسـك جعلـه قرينـي
ويطري علي يوم الحشر وأطلب مجير
ما أعطى كتابي فـي شقيقـة يمينـي
ويطري علي صدقان كثـر الدنانيـر
اللـي اتعادينـي إلا كـثـر ديـنـي
وراعي الهروج اللي سوات المناشير
أصـد عنـه وأدري انـه يعنيـنـي
الله حسيبـه يـوم عـرض القواويـر
والله حسبـي مـن صـواب مكينـي
وإلا طرالـي واحـد كانـه اصغيـر
أم أصغـر بيومـيـن ولا سنيـنـي
دريت وش قومـي وعينـت تفسيـر
للضيقـة اللـي مـن زمـن تعتلينـي
حبه بصدري سالفة سـر فـي بيـر
وكـن الفـواد يقـول هـذا زبينـي
أشفق على علمٍ يجي منه مـن غيـر
لا يسمع اللـي سولفـوا بـه ونينـي
يا كثرهم غيرهم ولكـن خبـر خيـر
ما غير شوفه فـي الوجـود يهنينـي
رايـي كـذا يـا عاشقيـن الغناديـر
ماله علـى وجـه البسيطـه وزينـي
العام أجيهم مـن حسـاب المساييـر
واليوم حـال عـداي وينـه ووينـي
خطاي تعليـق الأمـل فـي المدابيـر
اليـن راح وشفـت حقـري بعينـي
صبرٍ جميـل وخابـر إنـه مقاديـر
والله على تخفيـف حزنـي عوينـي
ذي حالتي لين اتغبا الشمس واصيـر
معطى سراحي عقب مانـا سجينـي
واذا امتلى جوف الشجر بالعصافيـر
طلبـت مـن رب العبـاد يهديـنـي
يعتقني المذن عقـب ضيقـة عصيـر
اللي على سجـن الفـراق اتحدينـي

-------------------

،؛،.. يالله عفوك ..،؛،

يالله عفـوك يـوم تصفيـة الحسـاب
يوم حصاد لما زرعنـا فـي السنيـن
يوم الحشر قرب ولا معنـا زهـاب
اليوم فـي الدنيـا وبكـرة راحليـن
نجني ذنوب ونرتجي عفـو وثـواب
وعلى نصر ربـي لنـا مستعجليـن
تـدرون ليـه آمالنـا كنهـا سـراب
تدرون ليه النصـر سيـف الأولييـن
الأولييـن أعمالهـم وفـق الكـتـاب
قامـوا عليـه وباعـوا الدنيـا بديـن
وحنـا غفلنـا بيـن مالـذ وطــاب
والنصر سيـف مـا يسلـه غافليـن
نصبح على شوف انتهاكات وخـراب
ونمسي على دمـع وتنهـات وونيـن
بصدورنا شي تذوب الـه الهضـاب
وأفعالنا والواقـع ريـاح .. وطحيـن
وعلى العيون من الفتن مثل الضبـاب
معد درينا مـن يسـار ومـن يميـن
ما للضيف الا الدعا لـو مـا يجـاب
ما غيره الا الشوف مكتـوف اليديـن
يالله زلزل تحـت الأعـداء التـراب
والطف بنا واحقـن دمـاء المسلميـن
ندعوك يا قادر على جعـل السحـاب
جيـش لنصـرة قلـة مستضعفـيـن
أغرقهم بنـوع مـن أنـواع العقـاب
غرق الغلام اللي يحسب انـه فطيـن
لوما عصى نوح نجا به في رحـاب
سفينته وأمضى معه في العمر حيـن
لكنـه اختـار الخسـاره والذهـاب
اصنع بهم صنعك به وانـت المتيـن
والا اخذهم يا مجري سـود الحقـاب
أخذ العجوز اللي بقت في الغابريـن
ذوقـهـم اللهم أنــواع الـعـذاب
اللي عثوا في أرضك أمن المفسديـن
وألطف بمن لبسوا من التقوى ثيـاب
عـبـادك المستهدفـيـن المتقـيـن
تكالبـت عليهـم أنـيـاب الـذئـاب
ولا غير عونك يا معيـن الصابريـن
من بينهم شيبـه يعجـزون الشبـاب
من وقفته من طولها فـي الركعتيـن
ومن بينهم بنـت تـون بـلا حجـاب
أحجابها لفـوا بـه الجـرح المكيـن
وطفل عن عيون أمه الثنتيـن غـاب
تبكيـه عيـن وتلتفـت لأخيـه عيـن
من هول ما يجري لهم شاب الغـراب
يا وسع حلمك وانت ما فوقك مديـن
أدعيك وانت ادرى بحال أهل المصاب
وأمد كفي لك يـا أكـرم الأكرميـن

--------------------

،؛، الحب مثل النوم ،؛،

الحب مثل النوم .. والوصل .. الاحلام
والشيين من الاحلام..صـد المحبييـن
نوم ٍ طويل ٍ عمره اشهـوور واعـواام
وان قمت.. ففهمها فرااق وسهر عيـن
وانا رقدت وعمري اربع عشـر عـام
وصحيت في شهر اربعه عام الالفيـن
نـوم ٍ ثقيـل ٍ كلـه احـلام واوهـاام
ونصيبي من احلامـه الجانـب الشيـن
صحّى الفرااق اقلوب في عكسه..نيـام
وغاب الفرح وانا بعكسه الـى اللحيـن
ياحزن كبدي حزن من ضاق ثـم حـام
اخذت فروخه مـادرى ليـه ولويـن؟
بعد ما شاف العـش عيـدان وعظـام
خاالي..تفكر فووق ويسـاار.. ويميـن
خلا عشاها فيه ومـن الوطـى شـاام
زبن علـى روحـه وفـل الجناحيـن
وياوجد حالي وجد مـن نـام ثـم قـام
على صياح امـه وهـو دون رجليـن
عويـق وامـه تنعتـه والنعـت سـام
وهو خابر انه يقسـم الصـف صفيـن
حبا وصاح بصيحـة ٍ تاصـل الشـام
منهـا تقطّـع فـي خفوقـه شراييـن
على وليـف ٍ قسـم اظنونـي اقسـام
واقفى وانا ما اعـرف طـرد المقفيـن
راح وترك في صدري ووسووم واعلام
وصـى علـي طيفـه وقفـى بقلبيـن
ليتـه تعـذّر كـان مـاهـو بـمّـلام
بعد ماشـااف الـدرب بيسيـر دربيـن
اشوى عليه شوي..مـن عـظ الابهـام
واشوى علي شوي..من دمعـة البيـن
تمشـي بنـا الاقـدام والمـوت قـدام
وميعادنـا يمفـرق اثنـيـن بعـديـن
ياعيـن لا تبكـيـن وعيـونـه تـنـام
عادش الى ما خـاب ظنـي بترضيـن
لـو الدمـوع اتفيـد فـادن الايـتـام
ولـو الكـلام يفيـد عـادت فلسطيـن
ولـو النبـاات يطّلعـه دمعـة هيـام؟
شفتوا علـى وجهـي ورود وبساتيـن
الحب سجن..وبعد الاحبـاب الاعـدام
وقلوبنـا السجّـان مـدري مساجـيـن
الحب نوم ٍ عمـره اشهـوور واعـوام
وان قمت ففهمها فرااق وسهـر عيـن

--------------------

،؛، عقبال مية عام ،؛،

عقبال ياماخـذ فـؤادي ميـة عـام
ضيعتني منـك وانـا مـا اهتديتـك
لا ..ما نسيتك كيف بانساك مـا دام
ذكرى الفراق تهزنـي لـو نسيتـك
حبك قدر وانا علـى ديـن الاسـلام
مكتوب في وجه الجبيـن ورضيتـك
لك في الضمير الود والحشمه اتوام
ولي في ضميرك مثل ما انا بغيتـك
ولك منزلٍ في نايف القلـب وخيـام
وذود الغـلا ترعـاه ولا شكيـتـك
يفطر عليك القلب وان فارقك صـام
والله لونـك شـوك سـدره كليتـك
القلـب طيـرٍ لادعـي للهوى حـام
والا انت وكره من كثـر ماهويتـك
كن العيون من النظر عقبـك ايتـام
وكني ماريت الا انت من يوم ريتـك
وكنك معي وانا فقدتك مـن اعـوام
مـع الخيـال القـاك كنـي لقيتـك
من صعب وصلك ما تهنيتك احـلام
وان جابتك فزيت شـوق ومحيتـك
يعني وصالك صعب واهدافي اوهام
يعنـي زرعتـك للقـدر ماجنيتـك
صبرك يقولون العرب كـل الايـام
يوم عليـك ويـوم لاجـاك جيتـك
ويا قلب ياللي ورثك اجـروح وآلام
بليتنـي ماهـو بانـا اللـي بليتـك
ولعتني من عادني في الهـوى خـام
واسرفت بي وانا خطامـك عطيتـك
طعتك وزبدة طاعتـك هـم وهيـام
مالله كتب لي واستخرت وعصيتـك
لوللقلـوب اسـواق بايـع وسـوام
لاابدلـك وان جيتنـي ماشريـتـك
والا انت ياللي جيش عينيـك مقـدام
لا اقنعت منـك والرجـا مارجيتـك
كني سجين بين..افـراج ..واعـدام
وكنك سجـن وانـا بنفسـي بنيتـك
تنبيك عن حالي محاصيـل الالهـام
وتخبـرك نظراتـي نهـار التقيتـك
عقب الوصال اللي على عين من لام
قدهو يكفيني عـن الوصـل صيتـك
وقدني الى مريت بالشـارع العـام
لديت من ما في الضميـر ودعيتـك
ادري ان صوتي ماقطع عشرة اقدام
وادري بي اعود الى مـن نصيتـك
ياشينهـا يامحنـيٍ راس الابـهـام
ماقدر على شوفك وانا عنـد بيتـك
الاعمار ما تضمن وانا اخاف الاحكام
ارثيك خـاف اودعـك مـا رثيتـك

------------------

منقول