الموضوع: قصيدة الموتر

عام الاول هبطت السوق والجيب متعبي قروش
قلت بشري لنا موتر نقضي حوايجنا بسوقه
وانكتب بين خلق الله مع اللي شرى له موترا

قلت ياصاحبي هاك المفاتيح وجه موتري
ودني لامحلي لاتصف بي يمين ولا شمال
والغشامه يزاولها التعلم وباذن الله سهاله

قمت في الصبح من نومي على موتري باحميه
ينبسط خاطري لامن سمعتوه حن وحن قلبي
والمقادير تجري خلف روحي وقلبي مادرى

يوم سيرت في الخط كان خبري مع الموتر قليل
وانقلب ماقعد يومين مدري وذا جاه من بلى
عدته كسرت ماعاد يقدم ولا والله يوخر

قمت واشوف خلق الله قيام عليه ينظرون
والصوايح في وسط الدرا كلن يقل وش قد جرى له
قلت ياخلق ذا مقدور ربي وربي بي لطف

يوم شافوا قلال الخير ماصابني يتضاحكون
واحد قال يسرع واحد فال لا وده يفحط
والثالث قال ذيه يبغي يغازل بنات المدرسه

يالله احمدك ماجا منك مقبول مافيه إعتراض
انت راعي الحيا والموت محد على حكمك يعارض
ومن تسبب لمسلم يالله إنك تحطم رايته
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\
هذي قصيده سمعتها في شريط معزوفه بالعود وسمعت أيضا إن لها رد يبدأ بالبيت التالي

ليت لي بنك واخذ من الحاسب وصرافه قروش
والا ياليت لي جنحان وازور محبوبي واشوفه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\

اللي يعرف تكلملةالرد حقها ياليت يرسله واتمنى تكون اعجبتكم

|||||||||||||||||||||||||||||||||||||||||||||||||| ||||||||||||| ولكم خالص التحيات

يعطيك العافية على القصيدة الرائعة

ننتظر جديدك من القصايد

مشكور على القصيدة

[align=center]يعطيك العافيه على هذه القصيده الجميله


وهذي القصيده لشاعر (محمد عقيل الحزنوي)

وانشألله سوف اوافيكم بديوانه عن قريب في الموقع.

ولكم كل تقديري واحترامي.[/align]