الموضوع: طريقة عمل المظبي على الملح أو تعرف بالطريقة الحايلية

طريقة لعمل اللحم المظبي بالمنزل ....

الطريقة هي طريقة عمل المظبي على الملح أو تعرف بالطريقة الحايلية ..

المقادير

كيس او اثنان ملح قصب خشن من ملح القصيم

لحمه هرفي صغير طازجه



بهارات لتكشين اللحم بشكل خفيف جداً غير ملاحظ ..
ملح ناعم خفيف
بصل
طماط
فلفل بلدي
زيت طبخ أو تاخذ من شحم الهرفي افضل
ورق الغار لزوم الكبسة عشان تطلع نثرية وبها نكهه الرز الزربيان العدني ذو النكهه المميزه ..
حبات هيل توضع مع الارز
عويدي او مسمار يوضع مع الارز
رز ابو كاس حسب عدد الاشخاص (طريقة الليلة لثلاثة اشخاص تكفي اربعه)



الطريقة

1

أولا ناخذ الملح ونطشه بالقدر حتى يملأ اقل من ثلثه او ربعه تقريبا بدون ماء ولا شئ .. الكيس يكفي اذا كان حجم القدر صغير .. واذا كان القدر كبير كيسان الى كيس ونص ..
نشعل النار على القدر ثم نكب الملح ساده وسطه ولا تخاف ما راح يميع او يحترق من الحراره ابدا ابدا ..



2

يترك على نار هادئة لمدة عشر دقائق حتى يسخن الملح وتأكد من ذلك بلمس الملح باصبعك ..
بعد ذلك اخلط اللحم مع البهارات بشكل خفيف جداً وكذلك اضافة قليل جداً من الملح لأن اللحم سيتشرب بجزء من بخر الملح ..
الان بعد ما تبلنا اللحم .. الملح وسط القدر اصبح يصدر صوت خفيف طقطقه من اثر الحراراه .. ناخذ اللحم ونضعه بكل هدوء فوق الملح قطعه قطعه .. ولا تحرك القطع من مكانها بعد اول مره تضعها فوق الملح ... تمام ..





3

الان بعد ما صفيت اللحم فوق الملح لا تخاف عليه ابد .. كل المطلوب منك ان تضع القصديرعلى فوهة القدر بشكل جيد لفه مره او مرتين واتركه لمدة ساعة اذا كان اللحم صغير طازج .. ولا ترفع عنه القصدير ابداً .. وستبهرك رائحة اللحم المظبي بعد نص ساعه من وضعه داخل القدر .. لذلك لا تنزعج كثيراً ما دام النار هادئة


4

على بال ما ينضج اللحم ضع البصل والطماط واحمسهم مع الفلفل وضع الهيل والعويدي .. وخل شغلك على رواقه لان امامك متسع من الوقت على بال ما ينضج اللحم ..




5

طش الماء في القدر وخله لين يسخن ثم ضع رز ابو كاس ومعه ورق الغار وطبق على قدر الرز لين يستوي وخله على نار هادئة .. حتى ينضج هكذا ..


6

شيل القصدير بعد ساعه لان اللحم قرب يستوي ويطلع شكله غير محمر ولا اروع ولونه ورائحته تاخذك الى عالم آخر من الخيال .. بشويش حاول تاخذ اللحم من فوق الملح بدون ما تحركها كثير يعني تشيلها بحرفنه وهي راح تجي معك ..




7

الارز يكون استوى واللحم كذلك وبكذا تضع اللحم فوق الرز وهذي هي صورة اللحم على الرز من قريب





8

وصورته من بعيد على السفره وبالهناء والعافية ..




هذا ما وصلني مع الغداء

ماشاء الله روعه

مشاء الله

رااااااااااائع جدااااً

اتحفنا بجديدك

مشكورين على المرور .... وانتظرو جديدي.

مشاء الله تبارك الله .... وربي شوقتني اذوقها ولازم اجربها تحياتي لك جبل حزنه وجاري التجربه وبقوه..

ماشاءالله تبارك الرحمن

جزاك الله خير

يعطيك العافيه يا شيف المنتدى

حياك الله اخي مرعد بس تدري لو انك كلمتنى كان حسبت حسابك معي .

بارك الله فيك يا شيف أبو عمر المفروض إنك تعزمني لكن لازم توعدني إنك تسويلنا واحدة مثل هذي إن شاء الله.
اسمع لن اتنازل عنها مهما كانت الظروف ها سمعت مني هههههههههه

ابشر بسعد يا ابو حازم ان شاء الله في الوقت المناسب ..


حياك الله انت ومن معك .