الموضوع: كريـــــــــم الطبـــع..!!

.
كريم الطبع
.

كريم الطّبع منْ يوفي وعوده
ولا يشقيْك منْ كثرة صـدوده

يجيك ويستمع لهموم قلْبـك
ويقطف من بساتينـك وروده

يشيل الحمل والأثقـال عنّـك
ويجبر خاطرك بحلـى ردوده

يزورك كلّ ما رحت ونسيتـه
ويعلن لك الى الآخر صموده

ينسّيك القهر ويـذود عنّـك
ويحشد لكبر أعْدائك حشـوده

يدافع عن حقوقك قبْل حقّـه
ويبذل كل مساعيه وْجهـوده

يحطّك في وسطْ عينه وقلبـه
ويسقيك الكرم من كاْس جوْده

يقول الصَّدق لوّ أنّك سألتـه
ولا يبعد ويخرج عن حـدوده

يعزك مثـل أخْوانـه وأكثـر
ويثبت لك من أفْعاله وجـوده

يخبي عن جميع الناس سرّك
ويفضي لك من الطّيبه سدوده

يقدّم لك من أفْكاره نصيحـه
ويعكس ماتعلّم مـن جـدوده

هذاك اللي يسرّ البال ذكْـره
ويحفظ من كرم أصله عهوده
.
.
.

مشاركة جميلة ومعلومات قيمة


ننتظر جديدك الله يحفظك

يعطيك الف عافيه اخت همسة غلا
وننتظر جديدك الرائع
تقبلي مروري

الف شكر لكم..

مروركم الأروع...

يقول الصَّدق لوّ أنّك سألتـه
ولا يبعد ويخرج عن حـدوده

يعزك مثـل أخْوانـه وأكثـر
ويثبت لك من أفْعاله وجـوده

يخبي عن جميع الناس سرّك
ويفضي لك من الطّيبه سدوده

يقدّم لك من أفْكاره نصيحـه
ويعكس ماتعلّم مـن جـدوده

هذاك اللي يسرّ البال ذكْـره
ويحفظ من كرم أصله عهوده

بارك الله فيك على القصيده الرائعه

الأروع مروركـ غلاتي..

مشكورهـ..