طرق جديدهـ للسرقه..أنتبهوووو

**همسة غلآ** · 07-24-2008, 10:53 PM

هذا الموضوع كتبته أحد الأخوات وحبيت أنقله للفائدة !!!!

وحتى تنبهون أهاليكم...

..

السلام عليكم

تخيلوا امي كانت اليوم بمجمع ابن خلدون .. وبوقت صلاة المغرب .. لم راحوا للمسجد

كانت فيه وحدة حاطة لها كرسي وجالسة عند الباب ومعلقة لوحة (( يمنع دخول جوالات الكاميرا للمسجد )) ..!!

وكل من دخلت اعطتها رقم .. وحطت جوالها بكيس ..

وتقول امي شكيت فيها .. من متى الجوالات ممنوعة بالمسجد

وغير كذا اللوحة مكتوبة بخط اليد وماعليها ختم للأدارة ولا شي ..!!

وحتى الأوراق اللي توزعها مكتوبة بخط اليد .. !!

المهم .. تقول امي قلبي نغزني .. وخلت اختي تنتظرها برى مع الجوالات الين ماخلصت صلاة ..

وبعدين راحت اختي تصلي ..

وخلال هالوقت .. في حريم خلصوا صلاة .. وطلعوا يدورونها ولا لقوا احد .!!

تخيلوا .. اكثر من 30 جوال شالتهم الأخت ومشت ,,!!

فتقول امي .. لو تشوفون صياح بعض الحريم .. شلون يقطع القلب .. اللي لها صور بالجوال .. والا اللي مصورة خواتها والا بناتها ..

فأنتبهوا .. اللي سوت الحركة هذي ممكن تعيدها بأي مجمع ثاني ..

وغير كذا .. ياليت ننتبه لصورنا بالجوال ..

يعني حتى لو قلنا ماراح نبيع الجوال .. مانضمن انه ينسرق ..

والله يستر علينا وعليكم.....