الموضوع: رواية سمر روووووعة

رواية(( سمـــــــــــــــــــــــ ــــــــر ))


الكاتبه السعوديه :طمـــــــــــــــــــوح

اجمل روايه قريتها في حياتي من جد روايه رائعه بمعنى هالكلمه لاتفوتكم تراها في قمة الروعه وانا ماحطيتها هنا الا لانها تستحق القراءه لاتفووووووووووووووووووووت كم وراح انزلها لكم على شكل اجزاء وبعد كل جزء تعطوني آرائكم اذا اكمل ولالا؟؟؟؟؟؟؟؟؟




مدينة جده وكماهومعروف عنها بزحمة الطرق لكثرة المصطافين فيها وهذا لانها تشهد تطورا معماريا سريعا حيث تكثرفيهاالمجمعات التجاريه والمتنزهات والمطاعم الفاخره ووجود البحر بحر جده الذي يعتبركاتم اسرارالمهمومين ومصدر الهام الناس في هذه المدينه .......


مدينة جده وبالتحديد حي النهضه هناك تسكن عائلة (منصور ابراهيم – ابوراكان) بشقه متواضعه بحاله ماديه متوسطه

- ابو راكان : متزوج اب ل5 ابناء موظف حكومي
- ام راكان : الزوجه
- راكان : 25عام _____ مملوح
- خالد : 23عام ______ جذاب
- ساره : بثاني جامعه ___ ملامحها عاديه
- نوره : اول جامعه ___ مزيونه بس يخربها صوتها الثقيل
- سمر : من ام ثانيه لكنها ماتت من زمان وتعيش عند جدتها بالجنوب وبالتحديد (ابها) _____ مزيونه حييييييييل وتدرس بثالث ثانوي .






ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ



((الجـــــــــزء الاول )))


((بيت ابو راكان))

ابوراكان معصب: انت طالق
ام راكان تبتسم والعبره تخنقها : يالله يابوراكان قد ايش تمنيت هالكلمه وهذا انت طلقتني يعني مافي رجعه فهمت مافي رجعه على العموم مشكور على كل شئ .

ابو راكان ماقدر يستحمل ودمعت عيونه لانه كان يحب زوجته لحد الجنون لكن في اقوى من الحب وهي المشاكل اللي تواجه كل زوج وزوجه ماقدر ابو راكان يتعداها او حتى يصلحها فااتخذ قرار الطلاق !!

نوره وهي طالعه من المطبخ حست انه في شيء مو طبيعي في البيت وراحت لغرفة امها وهي تركض .........

نوره:يمه وش فيك ليش تضبين الشنطه؟؟؟
الام:حسبي الله ونعم الوكيل عليها فهي السبب !!
نوره:يمه خوفتيني وش السالفه؟؟؟
الام :ابوك طلقني .
ماقدرت نوره توقف على رجلها واضطرت انها تجلس بكت وكان صوتها عالي
رمى خالد وراكان يد البلاستيشن وقاموا ومعهم ساره
وكلهم تجمعوا على نوره ,,,
راكان : وش فيكم عسى ماشر؟؟؟

---------------------------------------------------

ابهــــا والتي تتميزبجوها الرائع وخضرة ارضها وكرم وشهامة اهلها
تعيش سمر وجدتها في احدى قرى ابها ببيت من الطراز القديم حيث يتكون من طابقين الطابق العلوي ويتكون فيه الغرف الاساسيه والطابق السفلي حيث يوجدالمخازن والعريش(المشب)وغرفه بسيطه....


(بيت جدت سمر)

سمر : جده (علي ) تحت.
جدت سمر ممدده : من ذاهو؟؟
سمر: مذابش ياجده !!ولد خالتي غيثه.
الجده: مذا وده؟؟
سمر: والله اني مااعلم بس اظاهر انه جايب الاغراض اللي طلبتيهم - هيا ياجده الرجال ينتظر.
الجده: قسم مافيه روحي انت والبسي عباتش وتغطي زين هاه وخذي منه الاغرض .
سمر: ابشري .
(لبست سمر عبايتها ونزلت )
علي : كيفش ياجده.
سمر: انا سمر .
علي : اوه آسف كيفش ياسمر!!
سمر: الحمدلله بخير كيف خالتي عساها طيبه.
علي: ايه طيبه وكيف جدتي .
سمر: الحمد لله بخير ودك تطلع تسلم عليها.
علي :لالا انا مشغول يوم ثاني انشاء الله ......هاه خذي هذي الاغراض اللي وصيتوني عليها ولو انها ماتكفي .
سمر: مشكور وماتقصر وترانا 4 اشخاص بتكفي وزياده .
ضحك علي : اليوم 4 وبكره 10 .
استغربت سمر !!: ليه ؟؟.
ابتسم علي : انشاء الله بكره بنجي هنيه وبنعتكف لمدة اسبوع اسبوعين كُذيه وبعدين بنسري .
سمر: مرحبا الف اسفرت وانورت حياكم الله في أي وقت ، قسم انه احلى خبر سمعته .
علي: يالله ماودي اطول عليكم انا رايح وسلميلي على جدتي ....... هيا الله مع السلامه.
سمر: الله يحفظك.
جدت سمر تنادي : ياسمر وش تسوين.
سمر : يالله مع السلامه وسلملي على خالتي كثير السلام وعلى اشواق ونور.
علي: يوصل .

دخل علي سيارته : ياطيب قلبها .
طلعت سمر وهي تكلم نفسها : اااااااه الله يطعني.
جدة سمر : مذابش تأخرتي.
سمر: لا اني كنت اشيل الاغراض
الجده: اوف اخذني موتش ياسمرهبي(حطي )الدفايه ليتي(عندي) قسم يابرد هنيه انه يجمد الجمر الحامي.
ضحكت سمر : اوه مااكبرها الجمر الحامي مره وحده !!!
الجده:الا فين خالش .
سمر: راح عند عوال مرته.

--------------------------------------------
((بيت ابو راكان))


ساره : وش دخل سمروه بالسالفه.
ام راكان : والله اسألي ابوك .
نوره : يوه ترى غثيتونا قوليلنا وش اللي صار.
ام راكان : والله ابوك يبغى يجيبها لهنا وانا رفضت.
ساره : ايوه وكالعاده خيرتيه بينك وبينها .
نوره : وابويه طلقك .
ام راكان : عليكم نور يالله انا رايحه .
ساره بكت : يمه لا .
نوره تسلم على يد امها : الله يخليك لا تروحين.
راكان : من جدك!!! .
ام راكان : يوه قلتلكم مالي قعده هنا.
خالد : والله ماتروحين .
ام راكان تبكي : خلاص لاتقطعون قلبي انا بين فتره وفتره راح اجيكم.
طلعت ام راكان من الباب ونوره تمسك عبايتها وتصيح .
ساره تشهق : يمه تكفيــــــــــــــــن .

(((ابوراكان ماقدر يتحمل الوضع وراح لغرفته
طلعت ام راكان من البيت)))
راكان مسك نوره وساره وصار يهدي عليهم
راكان : خلاص يابنات هذا نصيبها.
ساره تضم راكان : ياراكان امي راحت بسبة سمروه الله لايوفقها.
نوره : ماعاد الا هي والله ان تدفع ثمنها غالي؟؟؟
خالد فيه برود مو طبيعي جلس قدام التلفزيون : اسكتوا خل نشوف المباراه.
ساره عصبت : تتكلم من جد ولا تمزح!!! لااكيد تمزح .
راكان : اظاهر ان وجهك مغسول بمرق .
خالد : اقول ارحموني بسكوتكم مو بااول مره ،تعودنا والله لااحلف انها الطلقه التاسعه.
ساره : ياولد اعرف وش تقول عيب عليك .
نوره: والله انك ماتستحي!!!


------------------------------------------

بيت جدت سمر



سمر جالسه في البلكونه لوحدها : ياالله كيف اقول لااخواته اني احبه ....طيب لو قلتلهم وش بيسون بينبسطون ولا لا طيب لو ......................
قطع صوت الباب حبل افكارها وقامت تشوف مين!!!!
سمر : مين؟؟؟
بصوت غامض : فين سالم.
سمر:مين انت .
(صاريتكلم بصوت واطي مع اللي معه)
- اقولك اش رايك نشتل البنت.
-وش نسوي فيها.
-نهدده فيها .
خافت سمر وهربت للحمام اللي بالدور الارضي
سمر وهي ترتجف وفي خوف رهيب : ياويلي وش اسوي ادق على خالي سالم لالا اخاف يقضون على مستقبله ادق على مين؟؟؟
لقيتها اكلم علي .............. يارب ساعدني .
دقت سمر على علي :
(ان الهاتف المطلوب لايمكن الاتصال به الآن نرجو معاودة الاتصال في وقت لاحق )
سمر : ياربي وش اسوي .
(سمعت سمر اصواتهم )
-فين راحت تيه .
-اسمعوا ياشباب كل واحد يدور في جهه .
سمر بكت ومسكت على طرف بلوزتها وصارت ((تعضها)) : مالي الا اواجههم .
((طلعت من الحمام ودخلت الغرفه اللي بجنب الحمام ولبست عبايتها واخذت الرشاش ومن حسن حضها ان جدها علمها كيف تستخدمه وطلعت عليهم كلهم ))
سمر : اسمعوا أي واحد يتحرك فيكم قسم لاافرغ ذالرشاش براسه .
كلهم سكتوا وماقدروا يتحركون !!!
سمر : يالله لفوا لية(لجهة) الباب واطلعوا الله لاردكم.
تكلم واحد منهم:علي الطلاق مانفعلبش حاجه وان نسري ذلحين بس هبي ذالزفت على جنب وريحينا.
سمر : اصه ولا كلمه .
(تغيرت ملامحهم بعد ماكانوا خايفين وصاروا يبتسمون خافت سمر وحست بشيء يقرب من وراها لفت عليه وضربته بحافة الرشاش وكلهم تجمعوا عليها ومسكوا على فمها )
-فقع ويهها .
سمر تبكي: الله يخليكم لا تاخذوني انا مالي ذنب.
-اصه ، ادبغها على راسها .
وضربوها على راسها لما اغمى عليها وطلعوا من البيت وكان واحد شايلها
- يالله ارموبها في السياره .

((معقوله هذولا الرجال بينهون حياة سمر !!! اسأله كثيره وراح تعرفون اجوبتها في الجزء الثاني لكن مو قبل ماتقولونلي آرائكم وبدون مجامله هاه اكمل ادعس ولالا))

الف شكر والله روايه أو قصة مرررررررررررره رووووعة يعطيك العافيه






تقبل مروري راعي الجمس المتلثم

مشكور بس حاسة انك ماقريتها وترى عندي الحاسة السادسة ارجع اقراها وقولي ادعسسسسسسسسسسسسس على الجزء الثاني بس على العموم مشكور على المرور

(((الجزءالثاني )))



تغيرت ملامحهم بعد ماكانوا خايفين وصاروا يبتسمون خافت سمر وحست بشيء يقرب من وراها لفت عليه وضربته بحافة الرشاش وكلهم تجمعوا عليها ومسكوا على فمها
- فقع ويهها
سمر تبكي: الله يخليكم لا تاخذوني انا مالي ذنب
-اصه ، ادبغها على راسها
وضربوها على راسها لما اغمى عليها وطلعوا من البيت وكان واحد شايلها
-يالله ارموبها في السياره
وكان فيه شلة شباب من اهل القريه جايين من بعيد قربوا الشباب من الرجال عشان يتأكدون من الوضع
قال احد منهم : اقولكم ذوليه مو من اهل القريه والبنت تيه طالعه من بيت بن محسن
-أيوالله انك صادق !!! وهم نفس الرياييل اللي تضاربوا مع سالم الاسبوع اللي فات .... لايكون اختطفوها!!!!ولاشيء
-هيا مشيناعليهم
تحنفشوا الشباب ورفعوا ثيابهم ورموا اشمغتهم
ناظروا الرجال في الشباب وخافوا لايكون انكشفوا
قال واحد منهم : مذا ودكم (وش تبغون)
فهد وهو واحد من الشباب طلع المسدس: سلامتك يالطيب بس ودنا بالبنت اللي بالسياره لانها وختلنا
-الله يسامحك تيه بنتي روح الله يستر عليك
فهد زفر زفره وابتسم: ياابو الشباب تضحك على مين انا اعرف ابوها زين طلع البنت ولا فرغت ذالمسدس براسك التعبان ياتعبان
-لاتغلط
فهد علا صوته : طلعها
خاف الرجال ونزل البنت وقال : ولو انها بنتي لكن معليه الايام بيننا
-اقول اصه وانقلع قلع الله ذاالويه المشتول
ركب الرجال واللي معه السياره وراحوا

فهد : شباب كيف ندخلها
قال واحد منهم : بسيطه نشتلها وندخلها
-من جدك انت ودك اهل القريه ياكلوننا بكلامهم
-طيب نرشها بالماء عساها وتصحى
-ودك تستفط عقلها
-خلاص ندق باب بيتها لين تقوم جدتها
فهد: عليك لمبه هيا دق
ودقوا اكثر من مره ورموا بالحصى على البيت عساها تسمع
الجده : ياسمر افزعي افتحي الباب اكيد انه خالش
نادت جدة سمر لاكن لاحياة لمن تنادي
قامت الجده
فهد :خلوني اغطي وجهها قسم لو رتها جدتها ان تلعن خامسنا
وصار فهد يغطي وجهها ويقول :كيف نفهم جدتها الله يعين
قام فهد وفتحت جدة سمر الباب
فهد : السلام عليكم
الجده : وعليكم السلام مرحبا مليون انت ولد فايز
فهد :ايه انا ولده
الجده : كيفك وكيف ومك عساها طابت من العمليه
فهد في نفسه : والله انك رايقه بس لوتدرين مذا حصل لبنتش
الجده : مذابك ماترد ياوليدي
فهد:هاه لالا بس......
الجده خافت: لايكون صار لومك شيء
-لالا بس حفيدتش سمر........
قاطعته : تفضل حياك
(فرحت الجده لان جاء في بالها الخطبه)
فهد: لا مافي داعي بس السالفه ومافيها
ناظرت الجده لجهة سمر: من ذاهي تيه
فهد ارتبك : هذي سمر و....
قاطعته الجده : اوه اوه اوه يالعار المنقود مذا عبيتوا(وش سويتوا) فيها ياوابتي ياخياله
وبكت الجده
هداء عليها فهد : ياجده السالفه ومافيها ان في رجال اختطفوها واغمى عليها لكن احمدي ربش ان جينا في الوقت المناسب واخذناها منهم ولا والله مالمسناها وان مادقينا عليش الا عشان تشتلينها وتدخلينها للبيت
الجده وهي تبكي : عسى ماشافكم احد
فهد : لاتخافين محد شافنا بس انت تطمني وماعليها شرهه
الجده : اوفأخذني موت قلوبكم تياك الله يستر عليكم دنيا وآخره
فهد قوم الجده وهدى عليها

------------------------------------

بيت ابو راكان



نوره وهي متمدده على السرير : ساره تتوقعين ابوي بسوي اللي براسه ويجيب سمر
ساره : اكيد لكن وربي ماخليها تعرف النوم
-نوره:آه بس وين بتروحين منا ياسمروه والله لأذوقك الموت وانت حيه
------------------------------

فهد يكلم صديقه سامي: اللي صار اليوم مايطلع منيه
سامي : فهد
-لبيه
-اقرى بعيونك كلام
-مذاهو يافيلسوف زمانك
-احسك تحب
-احب!!؟؟
-ايه وتوك جازفت عشانها
-لوجهه الله
-اكيد لوجهه الله بس انت تحمست

انحرج فهد وتلثم بالشماغ عشان مايبين ارتباكه
ضحكوا الشباب : انحرج الريال
فهد: انثبروا
سامي: ياخي قول ولا تستحي ترانا بثور يماعتك(اولاد جماعتك) ومنك وفيك هيا قول
فهد: ايه احبها وبااخطبها ان شاء الله
محمد سكت وتغيرت ملامح وجهه لانه يحبها لكن محد يدري غيرها
اذن الفجر : الله اكبر الله اكبر
فهد : ياشباب اذن يالله على المسيد (المسجد)


-----------------------------------

جدة سمر : هاه هاك الماء
سمر وهي تبكي : فين انا
الجده: بالبيت بي عنش
سمر:جده فين خالي سالم
الجده: في بيت مرته
سمر:من ذاهو اللي جابني هنيه
الجده:فهد ولد فايز وبثور اليماعه
سمر:قوليلهم لايعلمون احد باللي صار
الجده:خلاص ياعيون جدتها ، انت نامي وانشاء بااقومش بدري وتسرين للمدرسه وترى خالتش غيثه وبناتها بيجون هنيه

------------------------------------

(اذن الفجر في جده)


راكان : يالله قوموا تأخرتوا على الجامعه .
ساره وهي تحك راسها: اليوم تفرغ.
راكان : قومي يانوره.
بدت نوره تخرف: بعدين بكره امي واصلا ماتروح.
راكان :يابنت صحصحي النوم اثر على عقلك .
نوره : لابس الجامعه فيها نوم.
(ضحكوا راكان وساره)
ساره : قومي يانوره .
راكان: بروح اجيب كاسة مويه.
ساره: نوره ياويلك قومي .
نوره: عشان امي قالته ننام بكره سمر.
(ساره طاحت من فوق السرير من قوة الضحك)
راكان صب المويه: وهذي المويه وصبيناها.
نوره شهقت وصاحت: الله لايوفقك يانذل طيب انا اوريك والله ان تاكلها.
راكان:قومي وبلا هذره.
خالد دخل الغرفه: يالله ياراكان انا رايح الجامعه.


---------------------------------------


جدة سمر : سمر حبيبتي يالله قومي المدرسه.
سمر ماسكه على راسها : جده ماودي اروح.
الجده:اصه لايسمعش احد هيا روحي البسي ودي اشوفش دكتوره وتعالجيني.
سمر:يوه ياجده قلتلش ماودي اروح المدرسه ومين يوديني اذا خالي ماجاء .
الجده:انا كلمت علي يوديش .

(طــــاط طــــاط طــــاط)

الجده:هاه هذا ولد خالتش اقبل هيا البسي.
سمر:قوميني ماني قادره من قوة الضربه الله لايوفقهم.
الجده:حسبي الله ونعم الوكيل .


-------------------------------


بيت ابو راكان


نوره وهي تلبس القميص : الله لايوفقني ان كان تركتها لك ياراكانوه.
ساره تضحك: لو تسمعين الكلام اللي قلتيه والله ان تفطسين.
نوره:اسكتي تراها واصله معيه.
ساره:على فكره القميص مره مو مناسب على التنوره.
نوره:مولازم يعجبك.
راكان ينادي : يالله يانوره انا باأنزل.

----------------------------------------


بيت سمر


ركبت سمر السياره :معليش ابطيت عليك.
علي:لالا عادي مافيه أي اشكال .
سمر:تعرف طريق المدرسه.
علي:لاوالله .
سمر:لف يمين وبعدين خذ يسار وهناك تلاقي مدرستي.
سمر كانت في المرتبه الثانيه(بالخلف) على يمين علي وكانت تقول بنفسها:
ياربي ليه مايعطيني وجهه لايكون انا رازه وجهي عليه.
علي : سمر سمر(علي علا صوته)ســـــــــــــــــــ� �ــمر.
سمر:نعم.
علي:لي ساعه انادي عليش.
سمر:اوه معليش .
علي:هاه تيه مدرستش؟؟
سمر:ايه مشكور.
نزلت سمر من السياره مسكتها وحده من البنات وقالت: سواقش يخبل.
سمر:هذا ولد خالتي يافاغره .
صديقتها:وعادي يجيبش ويوديش.
سمر:خالي مو موجود عشان كذا.
(دق علي البوري)
سمر: هذا بوري علي.
صديقتها: يالله ماقدر يتخلى عنش.
سمر:اقول اصه ماافتكر فيه.
(رجعت سمر للسياره)
سمر تكلم علي من الشباك : نعم مذا ودك.
-اركبي.
-ليه .
-توها جدتي كلمتني وقالت انها ماقدرت ترتب البيت وحدها لان على حسب قولها جوها ضيوف اكيد انهم ومي وخواتي .
-المشكله اني قلتلها ماأبغى اروح لكن هي الله يسامحها ودها تشوفني دكتوره و.... ماعلينا يالله يالله.


------------------------------------


راكان : يالله انزلي .
نوره : اسمعني قبل ماأنزل كلم امي وشوف اذا ناقص عليها شيء و.....
قاطعها راكان: خلاص فهمنا انزلي .
(نزلت نوره وراح راكان)
وبهدها بدقايق:

طــــــاط طــــــاط طــــــاط

نوره سمعت صوت بواري ولفت

((( مين ممكن يكون هذا؟؟؟؟؟؟؟ راح تعرفون في الجزء الثالث هاه وش رايكم اكمل ولا لا )))

عطوني وجهه ترى الروايه روووووووووووووووووووووووو وعه وروعه قليله بحقها:SnipeR (58)::mad:

صراحة انت حفزتني لاقتنائها كعاشق للروايات على الرغم باني لا احبذ الروايات التي تروي باللهجة العامية لان الرواية فن ادبي تتجلى فيه جميع مقومات اللغة من فصحى وخيال وتصوير وترابط افكار وغيرها انا اتابع معك قراءة الروايةفي اعتقادي من الجزء الاول ان الرواية تجاري رواية بنات الرياض ولكن هنا كانت افضل لانها تميزت بالحوار النابض وجمال العرض والتحليل العميق...الى الان انا معجب باسلوب الرواية واصل في سرد الاجزاء...مع جزيل شكري،،،

(( الجزءالثـــــــــــــــــ ـــــالث))

[size="4"]

(نزلت نوره وراح راكان)
وبعدها بدقايق:
طــــــاط طــــــاط طــــــاط

نوره سمعت صوت بواري ولفت

- ياحلو ياحلو يسعدلي صباحك.
لفت نوره يمين يسار يمكن مايقصدونها.
- ياعيون احمد انا اقصدك .
عصبت نوره : انقلع انت وياه الله لاردكم.
- خذي الرقم ياقمر.
رمى احمد الرقم عند رجلها وقال : كلميني الساعه 1 في الليل ok انتدرك على نار.
نوره:اقلب وجهك .
احمد:باأقلبوه واقلب ابوه يالله حبي سلاااااااااااام.
(وراح احمد واما نوره طحلبت قدام الورقه)
نوره في نفسها : اخذها ولا لا ............امممممممم اخذها واشوف وش في راسه.

-----------------------------------------

علي : هيا الله دحدري وترى ومي وخواتي هنيه.
سمر:زين والله.
نزلت سمر وفتحت باب البيت.
قابلتها نور بنت خالتها .
سمر: مرحبا مليون تو مانور البيت.
نور: منور بااهله.
سمر:الا فين خالتي واشواق.
نور:في المجلس اما الحوس (البزارين)ماجبناهم.
سمر:يالله بروح اسلم عليهم اشتقتلهم.

------------------------------------

( جامعة نوره )

نوره جلست على الطاوله : سلام بنات .
مريم وهي من اعز صديقات نوره : اهلين.
نوره : فاتكم يابنات على عز الصباح رقمني واحد.
خلود : من حلاتك يرقمك .
نوره: هههه وهو شافني اصلا.
خلود: الرقم معاكي .
نوره: ايه.
خلود:طيب دقي عليه .
نوره: الحين!!!
خلود:ايوه دحينه.
مريم: لالا ماأنصحك تدقي.
نوره: ياشيخه وش ورانا.
مريم: بكيفكم انا محادرتي بدت يالله بااااي.
خلود: يالله ايش تستني.
نوره: خايفه.
خلود:ادق انا.
نوره:لاياقلبي ماأبغاه يضيع من يدي ابغى اشوف وش عند اهله اللي جابوه.
خلود:عادي ماهمني اللي عندي بيكفو وزياده .
نوره:ليه فيه غير لؤي وتامر.
خلود:ايوه فيه ماهر واليوم حكلموه.
نوره:والله انك ماتستحين.
خلود:اقول لاتديعي السالفه ودقي.
نوره:دقيقه خليني ادور الورقه.
خلود:ايوه ونسيت اقولك.
نوره:وش هو.
خلود:دقيت بالغلط على واحد ورد ومبين على لهجتوه جنوبي.
نوره:لقيت الورقه ، ايه كملي.
خلود:وحاولت اتعرف عليه لكن سكر في وجهي وماردي يكلمني.
نوره:احسن.
خلود:يالله خلينا ندق.
نوره:يارب استر.
خلود:خليكي تقيله ولاتقوليلوه اسمك الحقيقي .
نوره:اص رد ، الوه.
احمد: هلا .
نوره: هذا جوال امممم..........
احمد:مين تبغي احمد.
نوره:ايه احمد.
احمد:ايوه هذا موبايلوه مين انتي.
نوره:انا اللي رقمتني عند باب الجامعه.
احمد:أي باب بالزبط الامامي ولا الخلفي.
نوره:ماشاء الله شكلك مرقم بنات مو بنت.
ارتبك احمد: لاانت اول وحده ارقمها في حياتي.
نوره ماأقتنعت بكلامه : ايه صدقتك وحتى انا أول مره اكلم في حياتي.
احمد:بس مبين من اسلوبك انك خبره .
نوره:قصدك اللي جنبي خبره .
خلود دقت نوره :وانا ايش دخلني بالمودوع.
احمد: طيب ممكن نتعرف .
نوره :ايه عادِ...
قاطعتها خلود : خليكي تقيله.
نوره:لالا انا مشغوله .
(وسكرت في وجهه)
خلود: اشبك قفلتي
نوره:انت قلتيلي خليك ثقيله عشان كذا سكرت.
خلود:هههههههههه والله مااعتقد ان فيكي زرة زكاء يازكيه هههه ماعلينا ايش قلك؟؟؟
نوره:بعدين اقولك .......ياالــــــــلــه وش ذالبلشه محاضرتي بدت من زمان .



--------------------------------------


بيــــــــــــــت سمر


جدة سمر: سمر الله يطعني عنش قومي سوي العريكه.
سمر: ابشري.
خالة سمر: لاقسم ماتقوم ماله داعي.
سمر: كيف ماله داعي ومادبلكم شيء.
خالة سمر: يااشواق قومي مع سمر .
اشواق: طيب.
(وراحوا للمطبخ)
اشواق: خلاص انت سوي العريكه وانا بااحمي السمن واسوي الشاهي .
سمر: اشواق .
اشواق:هلا.
سمر:ودي اقولش شيء وفي نفس الوقت ماودي.
اشواق:افا ياسمر لايكون نسيتي اني كاتمت اسرارش.
ارتبكت سمر: الصراحه انااا امم اناا......
اشواق: يوه قوليلي تراك اقلقتيني.
سمر: وتوعديني ان ذالكلام مايطلع منيه.
اشواق: اوعدش.
سمر: الصراحه انااا انا ياربي والله اني مستحيه ماني قادره اقولها.
اشواق: اشبش انتي...... قولي تراش اخرعتيني.
ارتبكت سمر: ودش بالصراحه انا اممممم انااا انااا انااا احب خوك علي وبس .
ابتسمت اشواق: تصدقين اني كنت حاسه.............. مبين من عيونش.
سمر: يااشواق انا ماقلتلش الا عشان تقولين لعلي .
اشواق: متى ودش اعلمه.
سمر: اليوم بالليل اذا قدرتي.
اشواق: ولا يهمش مايصير خاطرش الا طيب.
سمر ناظرت لجهة الفرن : اوه اوه الشاهي طفر.
اشواق: والله اني فاغره .
علي بصوت عالي : طريق طريق.
اشواق ناظرت بسمر وابتسمت: حبيب القلب جاء .................لاتدخل المطبخ.
علي: اشواااااااق.
اشواق: ايذاني نعم.
علي: سويلي فطور بسررررعه لاني مستعجل.
اشواق صارت تكلم سمر:يادين الله اللحين اسويلهم ولا لعلي.
سمر:بسيطه مايبغالها انا اسوي الفطور لعلي.
اشواق:الله يسعدش شلتي الحمل عني .

----------------------------------

(علي جلس مع جدته وامه بالمجلس)
دق جوال علي
علي بنفسه: يادين الله مذا ودها تيه.
ام علي : اشبك ماترد.
علي: ماله داعي.

--------------------------------

الجامعـــــــــــــــــه

خلود: اشبوه هادا مايرد والله لازعجوه.
نوره رجعت: سلااااااااام.
خلود: اشبك مارحتي المحادره.
نوره:انطردت .........الا وش قاعده تسوين.
خلود :هادا اللي كلمتك عنو ماردي يرد.
نوره:طيب ادق عليه من جوالي .
خلود: ماحيعطيكي وجهه لان صوتك تقيل ويمكن بيحسب انو يكلم رجال.
نوره:ههههههه اول مره اسمعبها هاذي هات هات اكلمه.
خلود: لالا انا اكلموه من جوالك وبااحط سبيكر عشان تسمعي كلاموه ok.
نوره:okاعطيني رقمه .
خلود: سجلي عندك.


--------------------------------

علي طلع من المجلس : الوه

((((مين ممكن يكون الشخص اللي دق(الله اعلم) ))[/SIZE]

مشكور على الاطراء وهذا الجزء الثالث

سلمت اناملك على النقل الجميل
روايه جميله ورائعه تستحقين الشكر على اختيارها
دمتي

شكرررررررررررررا على المرور وهذا الجزء الرابعادعسسسسسسسسسسسسسسسس سسسسسسسسس