قصيده كتبها شاعر هلالي في الاسطوره مـــــــــاجد عبدالله

**الشعف** · 10-08-2009, 09:35 AM

يوم الثلوث المساء برثيـك يالكـوره
من بعد ماجد خلاص اليوم عفناهـا

لا لون لا طعم والملعب طفى نـوره
ولحدن يسـد بمكانـه لـو تعناهـا

الفذ الاعجوبه الموهوب الاسطـوره
بالجـد والجهـد امجـاده تبنـاهـا

عشرين عامآ مضت والفن دستـوره
ـواهدافه اللي تشوق النفس طرياهـا

وياما الهب كفوفنا تصفيق لحضـوره
والخصم لاشاف ماجد تقصر خطاهـا

وبالهون بالهون ياللي تجهل عصوره
لاصـرت ناسـي فحنـا مانسيناهـا

في اسيا المنتخب ماكان في الصوره
ومقصورته قبل ماجـد ماعرفناهـا

والكاس قالوا مابين الشرق محصوره
ـويومن بزغ نجم ماجد حقق مناهـا

الكوري يبكي قهر والصين مكسـوره
باهدافه اللي بشكل وفـن مااحلاهـا

والكاس جابه لربعه شعب اخو نوره
واشعل فتيل الفرح والعقـده انهاهـا

وتم اختياره من الفيفا يبـي شـوره
ويسعون له سعي الام اللي ورا ابناها

وذا قول منهو بقافه ترجـم شعـوره
هلالي لكن هروج الحـق مخفاهـا

ماجد ولا غير ماجد يبقى الاسطـوره
هـو ثروة وطن ياعرب والكـل غناهـا

م ن ق و ل

**برنس الشوق** · 10-08-2009, 10:42 AM

وذا قول منهو بقافه ترجـم شعـوره
هلالي لكن هروج الحـق مخفاهـا

اذا مهوب عبدالرحمن بن مساعد ولا ما حنا مصدقين انه هلالي :)

يعطيك العافيه ع النقل خيو

**الغويد** · 10-08-2009, 02:28 PM

وتم اختياره من الفيفا يبـي شـوره
ويسعون له سعي الام اللي ورا ابناها

ماجد عبدالله لاعب لايختلف عليه اثنين وأفضل من أنجبت الكرة السعودية والخليجية والعربية والآسيوية

مشكور اخي الشعف

تقبل مروري

الغويد

**فتى الدار** · 10-08-2009, 07:03 PM

قصيدة جميلة يعطيك الف عافية اخوي الشعف على النقل

وماجد عبدالله هو الاسطوره في العالم مو بس في العرب والخليج واسيا

تقبل مرورري

فتى الدار

**golden boy** · 10-08-2009, 09:21 PM

[align=center]
شكرا يا كاتب القصيدة

سامي الجابر لاعب نادي القرن اسطورة وكل العالم يعترفون بهذا

ويكفيك ان سامي الجابر اهّل المنتخب السعودي اربع مرات لكأس العالم - بعد توفيق الله -

شكرا لك على النقل

تقبل مروري ........

[/align]